Kenya: Martin Wanyonyi anakuwa mtu wa pili mwenye ualbino kuchaguliwa kuwa mbunge
Martin Wanyonyi ndiye mtu wa pili Kenya mwenye ulemavu wa ngozi kuchaguliwa kuwa mbunge baada ya Isaac Mwaura mwaka 2017. Idadi ya watu wenye ulemavu wa ngozi inakadiriwa kuwa ni mtu mmoja katika kila watu 15,000 katika nchi zilizo Kusini mwa jangwa la Sahara, Afrika.
Imechapishwa:
Wakenya bado hawajui jina la rais wao mteule, lakini idadi kubwa ya wabunge waliochaguliwa katika Uchaguzi Mkuu, wiki jana, tayari wametangazwa. Upande wa magharibi, ushindi ulibainika: ule wa Martin Wanyonyi, aliyechaguliwa kuwa ùbunge katika eneo la bunge la Webuye Mashariki. Hivyo anakuwa mbunge wa pili aliyechaguliwa mwenye ualbino, Isaac Mwaura mwaka 2017, baada ya sifa hii ya kijeni ambayo ina sifa ya kutotosheleza kwa uzalishaji wa melanini.
Kuchaguliwa kwake ni ishara kubwa nchini Kenya, ambapo watu wenye ualbino kihistoria wamekuwa wahanga wa ubaguzi na hata mashambulizi.
Martin Wanyonyi hafichi furaha yake. Alichaguliwa kwa bunge la kaunti; kuanzia sasa anaingia kwenye kiti cha mbunge. Safari yake ya kisiasa ilianza zamani. Alikuwa na nia ya kutetea haki za watu wenye ualbino tangu akiwa mdogo sana:
“Hakuna aliyekuwa akitetea haki yangu. Iwe ni wanafunzi wenzangu, walimu wangu au hata wazazi wangu, hakuna aliyeelewa kabisa mimi ni nani. Kwa sababu ya ualbino, mara nyingi tunatukanwa, tunatengwa, tunabaguliwa… Wengine hata wana shida kupata huduma za afya au elimu. »
Mtu mmoj mwenye ualbino alikuwa ameingia bungeni mwaka wa 2013, lakini aliteuliwa kuwakilisha baadhi ya makundi madogo, kama vile watu wenye ualbino.
Kwa upande wa Martin Wanyonyi anasema, kuchaguliwa kwake kunaashiria hatua zaidi. "Kwa mara ya kwanza, tunaingia katika siasa za jumla kutokana na upigaji kura kwa wote. Kuchaguliwa kwangu kunathibitisha kuwa nchi iko katika mwelekeo sahihi. Hatua kwa hatua, tunafanikiwa kubadili unyanyapaa (unaotukabili). Katika mkoa wangu, watu hawanioni tena kama albino bali kama mwanasiasa kama mtu mwingine yeyote. "
Martin Wanyonyi hataki kuishia hapo. Sio maadamu watu wenye ualbino wanaendelea kunyanyapaliwa nchini Kenya. Pia angependa kuona mengi zaidi Bungeni. Na hata, kwa nini, siku moja jina lake liwe kwenye uchaguzi wa urais.