Niger, Mali na Burkina Faso zatangaza kuundwa kwa 'jeshi la pamoja' la kupambana na wanajihadi
Wakuu wa majeshi ya Niger, Mali na Burkina Faso, tawala tatu za kijeshi zilizowekwa ndani ya Muungano wa Nchi za Sahel (AES), wametangaza siku ya Jumatano Machi 6 huko Niamey kuundwa kwa "kikosi cha pamoja" kupambana na makundi ya kijihadi yanayowashambulia, shirika la habari la AFP limeripoti.
Imechapishwa:
Kikosi hiki cha pamoja cha nchi za AES "kitafanya kazi haraka iwezekanavyo ili kutilia maanani changamoto za usalama katika anga yetu," ametangaza Jenerali Moussa Salaou Barmou, mkuu wa majeshi ya Niger katika taarifa kwa vyombo vya habari baada ya mkutano katika mji mkuu wa nchi hii.
Ouagadougou na Niamey walitangaza Desemba 2, 2023 katika taarifa ya pamoja kwa vyombo vya habari, kwamba wanaondoka katika kundi la G5 Sahel la kupambana na makundi ya wanajihadi, lililoundwa mwaka wa 2014. Nchi hizo mbili zilijiunga na Mali, ambayo ilijiondoa kutoka kwa kundi hili Mei 2022. Haijumuishi. sasa zaidi ya Chad na Mauritania.
Lilipoundwa mwaka wa 2014, ili kupigana na makundi ya wajihadi katika Sahel, kundi hilo liliundwa na Mali, Burkina Faso, Niger, Mauritania na Chad.