Algeria yaipendekezia Niger 'mpango wa mpito wa miezi sita'
Algeria imewapendekezea wanajeshi waliochukua madaraka nchini Niger "mpango wa mpito wa miezi sita" kabla ya kurejea kwa utaratibu wa kikatiba na kidemokrasia, badala ya miaka mitatu waliyopendekeza, amesema mkuu wake wa diplomasia
Imechapishwa:
Kiongozi mpya wa Niger, Jenerali Abdourahamane Tiani ametoa wito wa "kipindi cha mpito kitakachodumu kwa muda usiozidi miaka mitatu", Waziri wa Mambo ya Nje wa Algeria Ahmed Attaf amekumbusha katika mkutano na waandishi wa habari mjini Algiers.
"Lakini kwa maoni yetu, mchakato huo unaweza kukamilika ndani ya miezi sita, ili mapinduzi (yanaendelea, maelezo ya mhariri) yasiwe 'kitendo kilichokamilika'.
Nambari ya pili katika wizara yake, Lounes Magrame, alisafiri hadi Niamey wakati huo huo, ambapo aliweza kukutana na Waziri Mkuu Ali Mahaman Lamine Zeine. Lakini hakukutana na rais aliyeondolewa madarakani Mohamed Bazoum huko, Attaf alisema.
Mkuu wa diplomasia hakubainisha iwapo Bw. Bazoum atakuwa sehemu ya mpango wa mpito uliopendekezwa na Algeria au la.
Algiers inatoa mijadala ya kisiasa "kwa muda usiozidi miezi sita (...) kwa ushiriki na idhini ya pande zote nchini Niger bila kutengwa", chini ya usimamizi wa "mamlaka ya kiraia inayoongozwa na mtu aliyekubaliana na kukubaliwa na pande zote za wanasiasa", ili kupelekea "kurejeshwa kwa utaratibu wa kikatiba nchini", kulingana na Bw. Attaf.
Waziri huyo amesisitiza upinzani wa Algeria, ambao unashiriki karibu kilomita 1,000 za mpaka na Niger, kwa uingiliaji wowote wa silaha nchi jirani. "Tunakataa suluhisho la kijeshi, tunawezaje kuidhinisha matumizi ya anga yetu kwa operesheni ya kijeshi?", amesisitiza waziri.
Rais Tebboune alifahamisha mnamo Agosti 6 kwamba "alikataa kabisa kuingilia kijeshi" kutoka nje ya Niger ambayo, kulingana naye, inawakilisha "tishio la moja kwa moja kwa Algeria".