Ukraine, Niger, Iran: Nini cha kukumbuka kutoka kwa hotuba ya rais Macron kwa mabalozi
Jumatatu hii, Agosti 28, wakati wa mkutano wa kila mwaka wa mabalozi uliofanyika katika Ikulu ya Élysée, Emmanuel Macron amejadili mada mbalimbali, kuanzia hali ya Sahel hadi changamoto za Ufaransa kwa kiwango cha Ulaya, kupitia usalama katika Mashariki ya Kati. Hapa kuna nini cha kukumbuka.
Imechapishwa:
Hali barani Afrika na hasa nchini Niger
Rais wa Ufaransa Emmanuel Macron amekanusha Jumatatu hii 28 "ubinafsi" wowote lakini pia "udhaifu" wowote wa Ufaransa barani Afrika, wakati Sahel inakabiliwa na "janga la mapinduzi", tukio la hivi karibuni nchini Niger. "Si ubinafsi au udhaifu kwa sababu vinginevyo hatuko popote," amesema kwa mabalozi wa Ufaransa waliokusanyika katika Ikulu ya Elysée, pia akitoa wito kwa nchi za Sahel kuwa na "sera inayowajibika" katika suala hilo.
"Udhaifu ambao wengine wameonyesha kuhusiana na mapinduzi yaliyopita umekuza miito ya kikanda", amelaumu.
Emmanuel Macron pia amepongeza kazi ya wanadiplomasia wa Ufaransa wanaofanya kazi katika mazingira magumu, akitolea mfano hali nchini Niger ambako balozi wa Ufaransa anaendelea na kazi yake, ingawa wanajeshi waliochukua madaraka wameomba aondoke. "Ufaransa na wanadiplomasia wamekabiliwa katika miezi ya hivi karibuni na hali ngumu katika baadhi ya nchi hasa, iwe nchini Sudan ambako Ufaransa imekuwa mfano wa kuigwa, nchini Niger kwa wakati huu."
"Hatari ya kudhoofika" kwa Ulaya na Magharibi
Wakati wa hotuba yake, rais wa Ufaransa pia ameonya dhidi ya "hatari ya kudhoofika" kwa Ulaya na Magharibi katika mazingira ya sasa ya kimataifa. Muktadha huu "umekuwa mgumu", "ngumu" na "unaendesha hatari ya kudhoofika kwa Magharibi na hasa Ulaya yetu", ametangaza, akitoa mfano wa "kuibuka kwa nchi mpya zenye nguvu kimataifa.
"Kuna maswali ya taratibu kuhusu utaratibu wetu wa kimataifa ambapo nchi za Magharibi zilikuwa na nafasi ya kutatanisha na bado zina nafasi ya kutatanisha", amebainisha. Mashaka haya yanatokana na kurejea kwa vita, hasa barani Ulaya na mashambulizi ya Urusi nchini Ukraine, na kuongezeka kwa "sera ya chuki" kutoka Asia hadi Afrika, ambayo inazingatia "upinzani wa ukoloni, ulioanzishwa upya au wa kufikiriwa" na "upinzani kwa nchi za magharibi," amesema.
Mkuu wa nchi pia amesisitiza juu ya hitaji la "kuepuka kugawanyika kwa ulimwengu" kuhusiana na vita vya Ukraine, wakati majimbo ya kusini yakikataa kulaani Urusi. Lazima "tuepuke usakinishaji wa simulizi ambayo inaweza kujumuisha kusema 'ni vita vyenu kama raia wa Ulaya, haituhusu'". »
Umoja wa Ulaya lazima "ukubali ushirikiano zaidi", hata "kasi kadhaa" ili "kubadilika kwenye masuala muhimu", pia amebainisha Emmanuel Macron.
(Pamoja na AFP)