Baraza la Usalama la Umoja wa Mataifa laidhinisha kupeleka wanajeshi Haiti
Baraza la Usalama la Umoja wa Mataifa limeidhinisha kupelekwa nchini Haiti kwa kikosi cha kimataifa kinachoongozwa na Kenya kusaidia polisi waliozidiwa na magenge, ujumbe ulioombwa kwa mwaka mmoja na Port-au- Prince.
Imechapishwa:
Kulingana na azimio lililopitishwa Jumatatu kwa kura 13 za ndio na 2 za China na Urusi ambazo zimejizuia baada ya mazungumzo magumu, "ujumbe huu wa usaidizi wa usalama wa kimataifa" usio wa Umoja wa Mataifa umeundwa kwa "kipindi cha awali cha miezi kumi na miwili".
Kikosi hiki kinalenga "kutoa usaidizi wa uendeshaji kwa polisi wa Haiti" katika mapambano yao dhidi ya magenge na kwa usalama wa shule, bandari, hospitali na viwanja vya ndege. Kwa lengo la kuboresha usalama wa kutosha kuandaa uchaguzi, ingawa hakuna uchaguzi uliofanyika tangu mwaka 2016.
Ujumbe huo utaratibiwa vyema na Kenya, ambayo tayari imeahidi kupeleka maafisa wake 1,000 wa polisi - ingawa bunge lake bado halijaidhinisha. Maafisa wa polisi wa kigeni watatoa mafunzo kwa wenzao wa Haiti, na kusaidia kulinda maeneo yenye watu wengi kisiwani humo ili maisha ya kila siku yaweze kuchukuwa mkono wake wa kawaida. Baraza linawapa idhini ya kutumia "hatua za dharura," ikiwa ni pamoja na "kukamata." Β»
Uamuzi uliokaribishwa na Jean-Victor GΓ©nus, Waziri wa Mambo ya Nje wa Haiti. "Ni mwanga wa matumaini kwa watu ambao wameteseka kwa muda mrefu sana matokeo ya hali ngumu ya kisiasa, kijamii na kiuchumi, usalama na kibinadamu. Wanachama wa Baraza la Usalama leo wamechukua uamuzi utakaokabiliana na changamoto. Azimio lililopigiwa kura leo lina umuhimu mkubwa wa kihistoria! Β»
Zaidi ya kura rahisi, kwa kweli ni kielelezo cha mshikamano na watu walio katika dhiki. Kura kwa nakala hii ni hatua muhimu mbele katika kutatua mzozo wa pande nyingi ambao Haiti inapitia. Ni mwanga wa matumaini.
Mkuu wa diplomasia ya Haiti anatumai kuwa nchi zingine zitatoa mchango wao. Mbali na maafisa wa polisi wa Kenya, Jamaica, Bahamas, Barbados na Antigua tayari wamejitolea kushiriki kama kikosi hiki. Marekani imetangaza kukipatia kikosi hiki dola milioni 100. China na Urusi zimejizuia kupiga kura kwa azimio hilo: Beijing inabaini kwamba nguvu hii haitatosha bila utatuzi wa kisiasa wa mzozo huo. Kuhusu Moscow, inadhani ni uamuzi uliochukuliwa kwa haraka sana na hauna ufahamu, anaripoti mwandishi wetu huko New York, Carrie Nooten.
Azimio hilo halielezei muundo wa kikosi hiki, ikibaini kuwa ratiba ya kupeleka maafisa wa polisi na idadi ya maafisa hao wa polisi itatengenezwa na nchi zitakazo changia kwa kutuma kikosi hiki pamoja na serikali ya Haiti. Idadi ya maafisa 2,000 wa polisi, hata hivyo, mara nyingi ilitajwa katika miezi ya hivi karibuni.
Katibu Mkuu wa Umoja wa Mataifa na Waziri Mkuu wa Haiti Ariel Henry wamekuwa wakitoa wito kwa ujumbe wa kusaidia polisi tangu mwaka uliyopita.