Katikati ya uchaguzi wa rais, Vladimir Putin anaahidi jibu kwa mashambulizi katika ardhi ya Urusi
Kuanza kwa uchaguzi wa urais wa Urusi, unaotarajiwa kumchagua tena kwa ushindi Vladimir Putin, kulitatizwa Ijumaa hii Machi 15 na vitendo vya maandamano ya pekee na mashambulizi mapya kutoka Ukraine katika majimbo ya mpakani. Vladimir Putin ameahidi kwamba Urusi itajibu mashambulizi haya. Angalau watu kumi na watatu wamekamatwa kwa uharibifu wa vituo vya kupigia kura, vitendo ambavyo sababu hazijawekwa wazi.
Imechapishwa: Imehaririwa:
Vladimir Putin, ambaye amepiga kura mtandaoni siku ya Ijumaa, katika siku ya kwanza ya uchaguzi wa kumchagua tena, amehakikisha kwamba mashambulizi ya Ukraine katika ardhi ya Urusi, ambayo yameongezeka katika siku za hivi karibuni, hayatabaki "bila kujibiwa".
Rais wa Urusi amesema yote haya yanawekwa ili kuvuruga mchakato wa kupiga kura na "kuwatisha raia, kwa hali yoyote angalau katika maeneo ya mpaka". "Utawala wa Wanazi mamboleo huko Kyiv umetunga na unajaribu kutekeleza baadhi ya vitendo vya kutumia silaha, uhalifu na maandamano," ameongeza. Kwanza kabisa, inahusisha kupiga maeneo ya makazi kwenye ardhi ya Urusi. (...) Mashambulio haya ya adui hayatakosa kuadhibiwa,” ametangaza Vladimir Putin.
Katika moja ya maeneo ya Ukraine yanayokaliwa, bomu lililipuka bila kusababisha hasara nje ya kituo cha kupigia kura katika eneo la kusini la Kherson, na vikosi vya Ukraine vilishambulia tume mbili za uchaguzi katika maeneo hayo, kulingana na mamlaka ya uvamizi. Ofisi ya mwendesha mashtaka wa Moscow ilionya siku ya Alhamisi dhidi ya maandamano yoyote, kwani hakuna ukosoaji au upinzani unaovumiliwa nchini Urusi.
Wakati huo huo, watu wasiopungua 16 waliuawa na karibu 60 kujeruhiwa katika moja ya mashambulizi mabaya zaidi ya makombora ya Urusi huko Odessa, mji mkuu wa bandari kusini mwa Ukraine ambao tayari ulilengwa mara mbili katika siku za hivi karibuni. Pia siku ya Ijumaa, jeshi la Urusi pia lilisema kuwa limezuia uvamizi wa ardhini wa wapiganaji kutoka Ukraine tangu Machi 12, wakikiri kuwa walilazimika kutumia silaha ardhini na angani.