Maandamano makubwa yafanyika nchini Poland dhidi ya serikali

Umati mkubwa wa watu ulishuka katika mitaa ya Warsaw siku ya Jumapili kwa mwito wa upinzani, kwa maandamano dhidi ya serikali, ambayo kulingana na waandaaji waliwaleta pamoja washiriki wapatao 500,000, "rekodi kamili", miezi michache kabla ya uchaguzi wa wabunge.

Watu wanaendelea kuhudhuria maandamano ya kuipinga serikali mbele ya ikulu ya rais yaliyoandaliwa na upinzani mjini Warsaw mnamo Juni 4, 2023. Wakitoka kote nchini Poland, waandamanaji hao waliitikia mwito wa kiongozi wa chama kikuu cha upinzani chenye msimamo mkali (Civic Platform). , PO), mkuu wa zamani wa Baraza la Ulaya Donald Tusk, kupinga "gharama kubwa ya maisha, kashfa na uongo, kwa ajili ya demokrasia, uchaguzi huru na EU". AFP - WOJTEK RADWANSKI

Waandamanaji hao kutoka kote Poland waliitikia wito wa kiongozi wa chama kikuu cha upinzani cha centrist (Civic Platform, PO), kiongozi wa zamani wa Baraza la Ulaya, Donald Tusk, kupinga "gharama kubwa ya maisha, udanganyifu na uwongo, kwa ajili ya demokrasia, uchaguzi huru na Umoja wa Ulaya (EU)".

"Manispaa inakadiria kuwa watu walioshiriki maandamano hayo wamefikia 500,000," msemaji wa kamati ya maandalizi ya maandamano hayo Jan Grabiec ameliambiasirika la habari la AFP. Idadi ya waandamanaji 500,000 pia ilitolewa na Bw. Tusk na waandalizi wengine. Polisi hawakutoa makadirio yoyote.

Viongozi wa vyama vingi vya upinzani wamewahimiza wafuasi wao kujiunga na maandamano makubwa dhidi ya chama tawala cha Nationalist Law and Justice (PiS), kiongozi wake Jaroslaw Kaczynski na washirika wake. Mikusayiko midogo midogo pia ilifanyika katika miji mingine nchini Poland.

"Inatosha!", "Hatutaki Poland ya kimabavu", "PiS inasababisha gharama kubwa ya maisha", kumeandikwa kwenye mabango yaliyoelekezwa dhidi ya walio wengi madarakani nchini Poland kwa karibu miaka minane.

"Serikali yetu ni ya kimabavu. Inataka kuifanya Poland kuwa nchi inayofanana na Urusi," Karolina Sieminska, mwanafunzi katika kitivo cha lugha ya Kifaransa, mwenye umri wa miaka 22, ameliambia shirika la habari la AFP.