Jeshi la Israel latangaza kuondoa wanajeshi wake kusini mwa Ukanda wa Gaza
Wakati mazungumzo yanatarajiwa kuanza tena siku ya Jumapili, Aprili 7, mjini Cairo, miezi sita baada ya mashambulizi ya umwagaji damu ya Hamas, jeshi la Israel limetangaza, siku hiyo, kuwaondoa wanajeshi wake kutoka kusini mwa Ukanda wa Gaza.
Imechapishwa:
Jeshi la Israel limetangaza siku ya Jumapili hii, Aprili 7, kuwaondoa wanajeshi wake wote kusini mwa Ukanda wa Gaza, ukiwemo mji wa Khan Younes. Kitengo cha 98 kimeondoka kwenye eneo la Palestina.
Mwisho wa hatua ya mashambulizi ya ardhini ya Israeli katika hali yake ya sasa. Kuanzia sasa, kitengo cha 162 na brigedi nyingine bado zimetumwa katika eneo la Palestina, haswa kwenye njia ya mhimili huo unaoukata Ukanda wa Gaza katika sehemu mbili. Huu ndio mstari ambao unazuia haswa kurudi kwa Wagaza kutoka kusini kwenda kaskazini.
Mabadiliko ya mkakati
"Msemaji wa jeshi anaonyesha wakati huo huo kwamba wanajeshi wa Israeli wanapanga tena kuzunguka Ukanda wa Gaza," anasisitiza mwandishi wetu huko Jerusalem, Michel Paul. Kukiwa na mkakati mpya sasa: uvamizi wa mara moja kwa msingi wa upelelezi sahihi kutoka kwa idara za usalama, haswa Shin Bet na ujasusi wa kijeshi.
"Jeshi linasisitiza kwamba linaendelea kujiandaa kwa operesheni katika jiji la Rafah," anaongeza Michel Paul. Na kwamba utumaji upya huu hauhusiani na shinikizo la kisiasa au matakwa kutoka kwa Marekani. Lakini inaonekana wazi kuwa uamuzi huu unafungua njia ya makubaliano ya mapatano na Hamas.
Tangazo hili la jeshi limetolewa siku ambayo mfululizo wa mazungumzo yasiyo ya moja kwa moja kati ya Hamas na Israel kupitia wapatanishi wa kimataifa - Marekani, Qatar, Misri - yatafanyika mjini Cairo, baada ya wito wa haraka kutoka kwa Rais wa Marekani Joe Biden kuyarejesha na kupata makubaliano.
"Kipindi cha kupumzika"
Kwa upande wa Washington, John Kirby, msemaji wa Ikulu ya White House, amebaini kwenye idhaa ya Marekani ya ABC kwamba "kwa kweli kilikuwa ni kipindi cha mapumziko na kurejea katika hali nzuri kwa wanajeshi hawa ambao wako kwenye uwanja wa vita kwa muda wa miezi minne, kutokana na kile kilichotokea. tunaelewa, na kutoka kwa matangazo yao ya umma.
Ilan Greilsammer, profesa wa sayansi ya siasa katika Chuo Kikuu cha Bar-Ilan huko Tel Aviv, anakubali. "Israel haijakata tamaa juu ya kutokomeza Hamas katika Ukanda wa Gaza na jeshi lake pengine litafanya mashambulizi ya mara kwa mara katika eneo la Rafah," anaihakikishia RFI. Ni aina ya mabadiliko ya kimbinu, hakika, lakini haionyeshi kujiondoa kabisa [kwa jeshi la Israeli] wala mwisho wa vita."
Msomi huyo haamini "kwamba Israeli itasimama kabla ya kuondoa kwa kiasi kikubwa uwezo wa Hamas huko Gaza." Na kuhusu mkakati wa kijeshi kwenye uwanja wa vita, anabainisha kuwa "Wamarekani hawataki Israeli kuingia Rafah kwa nguvu" na kwamba taifa la Kiyahudi "linafanya vitendo vinavyotakiwa na Wamarekani".
Siku ya Alhamisi ,Rais wa Marekani Joe Biden alita kwa mara ya kwanza uwezekano wa kuweka msaada wake kwa Israel juu ya hatua "zinazoonekana" za kuboresha hali ya kibinadamu na uhifadhi wa raia huko Gaza, wakati huko Israeli, Benjamin Netanyahu anakabiliwa na shinikizo kubwa.
Siku ya Jumamosi jioni, umati wa waandamanaji huko Tel Aviv na miji mingine tena walitoa wito wa kujiuzulu jwa Waziri mkuu na mpango wa mateka. Zaidi ya watu 120 bado wanazuiliwa huko Gaza, miezi sita hadi baada ya shambulio ambalo halijawahi kutokea la Hamas katika jimbo la Kiyahudi.