Israel yatangaza kuwa imeupata mwili wa mateka Gaza
Israel imetangaza kwamba imeupata mwili wa mateka mmoja usiku wa Ijumaa kuamkia Jumamosi, kusini mwa Ukanda wa Gaza. Kulingana na jeshi la Israeli, mateka huyu, aliyetekwa nyara mnamo Oktoba 7, aliuawa wakati alipokuwa akishikiliwa mateka. Shinikizo kutoka kwa familia zinaongezeka kwa serikali ya Israel, ambayo inatuma ujumbe mjini Cairo kujaribu kukamilisha makubaliano ya kusitisha mapigano na kubadilishana wafungwa.
Imechapishwa:
Jeshi la Israel limetangaza mapema asubuhi kuwa limepata mwili wa mateka, anayefahamika kwa jina la Elad Katzir, mwenye umri wa miaka 47 aliyeuawa siku alipotekwa nyara katika huko Nir Oz, anaripoti mwandishi wetu huko Jerusalem, Michel Paul. Kwa mujibu wa jeshi la Israel, mtu hyo aliuawa na watekaji wake - wanamgambo wa kundi la Islamic Jihad. Mwili wake umepatikana huko Khan Younes na vikosi maalum, jeshi limebainisha.
Mama yake, Hanna, alitekwa nyara pamoja naye kabla ya kuachiliwa mnamo Novemba 24, wakati wa mapatano ya kipekee katika miezi sita ya vita kati ya Israel na Hamas. Baba yake Avraham aliuawa wakati wa shambulio la Hamas mnamo Oktoba 7.
Afisa wa jeshi la Israel amesema kurejeshwa nyumbani kwa mwili wa Elad Katzir ni "zaidi ya kazi iliyotekelezwa, ahadi iliyotolewa kwa Waisraeli kurejesha usalama na kuwarudisha" mateka Israeli. Lakini dada yake, Carmit, hafichi hasira yake: “Ikiwa makubaliano yangepatikana mapema, angeweza kupatikana akiwa hai,” anasema huku akishutumu serikali ya Israeli kwa “kutoonyesha nia njema.” "Jiangalie kwenye kioo na uone ikiwa mikono yako haijatoa damu yake," aliandika kwenye akaunti yake ya Facebook.
Jukwaa la Familia za Mateka pia limesikitishwa kwamba alikaa kifungoni kwa miezi mitatu, “wakati ambapo dalili za maisha na habari kuhusu hali yake zilifikia Israeli. Miezi mitatu ambapo kulikuwa na uwezekano wa kumwokoa na kumrejesha hai kwa familia yake na katika nchi yake,” kimesema chama hiki kikiwakilisha baadhi ya familia za mateka katika taarifa kwa vyombo vya habari.
Kifo cha Elad Katzir kilianza katikati ya mwezi wa Januari, siku chache baada ya Islamic Jihad kutoa video ambayo iliitaka serikali ya Israel kufanya kila linalowezekana ili kuachiliwa kwake, afisa wa kijeshi wa Israel amesema.
Mwili huo ulikuwa kwenye "habari", "ulizikwa ardhini" kusini mwa Khan Younes, ambapo operesheni ilizinduliwa Ijumaa jioni ili kuupata. Majeshi ya Israel yalimtoa usiku kucha kabla ya kumrejesha Israel, ambako alitambuliwa rasmi.
Zaidi ya watu 250 walitekwa nyara wakati wa shambulio la Oktoba 7 la Hamas kusini mwa Israeli na kuchukuliwa mateka hadi Ukanda wa Gaza, ambapo 129 wanabaki kizuizini, pamoja na zaidi ya mateka 30 walifariki, kulingana na jeshi la Israeli.
Mazungumzo nchini Misri
Ni katika muktadha huu, kwa ombi la Rais wa Marekani Joe Biden, kwamba mkuu wa Mossad, David Barnea, na yule wa Shin Bet, usalama wa ndani wa Israeli, wanaenda Cairo Jumamosi hii kwa mkutano na mkuu wa CIA , Bill Burns, na wadau wengine katika upatanishi kati ya Israel na Hamas, wakiwemo maafisa wa Misri na Qatar. Mkutano wa kilele wa kijasusi katika mji mkuu wa Misri ambao hatimaye unaweza kuwezesha kuzuwia mazungumzo hayo na kufikia mapatano yanayohusiana na kuachiliwa kwa mateka katika Ukanda wa Gaza, ulioharibiwa na vita vikali ambavyo vinaingia mwezi wake wa saba siku ya Jumapili hii.
Likichochewa na shambulio ambalo halijawahi kushuhudiwa mnamo Oktoba 7 huko Israel, shambulio la kijeshi la serikali ya Kiyahudi lilisababisha vifo vya watu 33,100, kulingana na Wizara ya Afya ya Palestina. Idadi kubwa ya wakazi milioni 2.4 wa eneo hilo wanatishiwa na njaa kulingana na Umoja wa Mataifa.
Joe Biden alitoa wito kwa Waziri Mkuu wa Israel Benjamin Netanyahu "kufikia makubaliano juu ya mateka wa Israel" waliotekwa nyara wakati wa shambulio la Hamas. Pia aliomba Qatar na Misri, wapatanishi na Marekani, "kushinikiza Hamas kujitolea kukubali makubaliano," amesema afisa mkuu wa Marekani kwa sharti la kutotajwa jina. Kulingana na afisa huyo, "kungekuwa na usitishaji vita huko Gaza leo ikiwa Hamas ingekubali kuachilia jamii iliyo hatarini ya mateka - wagonjwa, waliojeruhiwa, wazee na wanawake wenye umri mdogo."
Katika taarifa yake iliyotangaza kuondoka kwa ujumbe wa Hamas siku ya Jumapili kutoka Cairo, Hamas ilithibitisha kwamba haitaacha "madai" yake, ambayo ni "kusitishwa kikamilifu kwa mapigano, kuondolewa kwa vikosi vinavyoikalia Gaza, kurejea kwa waliokimbia makazi yao," uhuru wa kutembea na misaada (kwa raia) na makubaliano mazito juu ya kubadilishana mateka” na wafungwa wa Kipalestina.