Vita nchini Ukraine: Kyiv yadai 'kuimarisha hali ya mambo karibu na Bakhmut'
Mkuu wa Majeshi ya Ukraine Valery Zaluzhny amesema hivi punde siku ya Ijumaa jioni kwamba wanajeshi wake wamefanikiwa "kutuliza" hali ya mambo karibu na Bakhmut, kitovu cha mapigano ya miezi minane dhidi ya vikosi vya Urusi mashariki mwa Ukraine.
Imechapishwa:
Mji huu, ambao ulikuwa na takriban wakazi 70,000 kabla ya uvamizi wa Urusi nchini Ukraine mwishoni mwa mwezi Februari 2022 lakini ambao sasa uko tupu, ndio eneo la vita virefu na vya umwagaji damu zaidi tangu kuzuka kwa vita nchini humo.
'Hasara kubwa kwa uapande wa raia' kwa pande zote mbili
Hali "ngumu zaidi" kwenye mstari wa vitani inapatikana "karibu na Bakhmut", Valery Zaluzhny amesema katika mazungumzo ya simu na Mkuu wa Majeshi ya Uingereza Admiral Sir Tony Radakin. "Kutokana na juhudi kubwa za vikosi vya ulinzi, tumefanikiwa kuleta utulivu," Valery Zaluzhny ameandika kwenye mtandao wa Facebook.
Vikosi vya Urusi wakati mwingine huripoti maeneo yaliyoshinda kwa bidii karibu na jiji hilo, ambalo limekuwa ishara zaidi kuliko eneo la kimkakati kutoka kwa mtazamo wa kijeshi wakati mapigano yanaendelea.
Kulingana na ripoti ya idara ya ujasusi ya Uingereza iliyochapishwa siku ya Jumamosi, "mashambulizi ya Urusi kwenye mji wa Bakhmut, katika mkoa wa Donbass, kwa kiasi kikubwa yamesimama". "Inawezekana juu ya matokeo yote ya mzozo uliokithiri wa vikosi vya Urusi," idara ya ujasusi ya Uingereza imesema katika taarifa, ikisisitiza kwamba Kyiv pia "imepata hasara kubwa kwa upande wa raia".
Ukraine kuanzisha mashambulizi makubwa hivi karibuni Bakhmut
Kamanda wa vikosi vya ardhini vya Ukraine Oleksandre Syrsky alisema kwenye Telegram siku ya Alhamisi kwamba mashambulizi yanaweza kuanzishwa 'haraka sana' dhidi ya "vikosi vilivyochoka" vya Urusi karibu na Bakhmut.
Siku ya Jumatano Rais wa Ukraine Volodymyr Zelensky alitembelea wanajeshi wa Ukraine karibu na mstari wa vita huko Bakhmut.