Kifungo cha maisha jela dhidi ya viongozi 2 wa zamani Rwanda

Wakili Mkuu wa Serikali ameomba Jumatatu hii kifungo cha maisha jela dhidi ya mameya wawili wa zamani wa Rwanda, wanaotuhumiwa kushiriki katika mauaji ya kimbari dhidi ya Watutsi katika kijiji chao mashariki mwa Rwanda mwezi Aprili, 1994.

Rais wa Rwanda Paul Kagame akiambatana na mkew kwenye eneo la makumbusho ya mauaji ya kimbari katika maadhimisho ya miaka 20 ya mauaji hayo yaliyotokea mwaka 1994. REUTERS/Noor Khamis

Baada ya miezi miwili kesi hiyo ikisikilzwa mbele ya Mahakama ya Paris, Philippe Courroye amewataja Octavien Ngenzi, mwenye umri wa miaka 58, na Tito Barahira, mwenye umri wa miaka 65, kama wahusika muhimu katika mauaji ya kimbari yaliyotokea katika wilaya yao ya Kabarondo, akimtaja Octavien Ngenzi kama "kiongozi" na tito Barahira kama mfadhili wa mapanga.

Watu hao wawili, ambao wote wanakata kushiriki kwao katika mauaji ya kimbari, wamesikiliza hukumu dhidi yao huku wakipokea hukumu hiyo kwa shingo upande: Ngenzi "Yuda" ambaye hakufanya chochote kwa "kuzuia mauaji hayo" lakini "aliyasimamia". Barahira "mtekelezaji", ambaye alikua"akitoa maelekezo" na kushirikiana na wauaji, huku akibebelea mkuki mkononi.

"Wote hao walikua wauaji na wandaaji wa mauaji ya kimbari", wao, wanakabiliwa na mashtaka, "kukosa kukiri kosa lao, pamoja na kuomba msamaha" kwa kukana kosa lao hadi dakika ya mwisho.

Philippe Courroye amekumbusha kwamba watu hawa, waliokamatwa nchini Ufaransa wamehukumiwa chini ya uwezo wa mamlaka nzima ya mahakama za Ufaransa. Kesi hii ni ya pili kushughulikiwa nchini Ufaransa kuhusu mauaji ya kimbari ya mwaka 1994 nchini Rwanda.