WHO: Ukraine yajiunga na Baraza Kuu licha ya vikwazo vya Urusi

Urusi ilikabiliwa na hali ngumu siku ya Ijumaa kwa kushindwa kuizuia Ukraine kuingia katika Baraza la Utendaji la Shirika la Afya Duniani (WHO), ambalo pia lilishuhudia kuwasili kwa Korea Kaskazini.

Mkurugenzi Mkuu wa WHO Tedros Adhanom Ghebreyesus akitoa hotuba kwenye ufunguzi wa Mkutano wa 75 wa Afya Duniani huko Geneva, Jumapili, Mei 22, 2022. AFP - JEAN-GUY PYTHON

Nchi kumi ambazo hatimaye zinajiunga na Bodi ya Utendaji kwa miaka mitatu kwa kawaida huchaguliwa kwa pamoja kwa shangwe wakati wa Bunge la Afya Ulimwenguni, ambalo kikao chake cha 76 kinafanyika kwa sasa huko Geneva.

Lakini kutokana na jaribio la Moscow kuzuia Ukraine kujiunga na kongamano hili la nchi wanachama 34, ambalo lina jukumu muhimu katika usimamizi wa WHO, kura ilibidi ipigwe kwa mara ya kwanza tangu 1977.

Matokeo yalikuwa mazuri, wagombea, waliopendekezwa na kila kanda 6 za WHO, walichaguliwa kwa kura 123 dhidi ya 13 kutoka kwa wajumbe waliojizuia.

'Afya haipaswi kuwa ya kisiasa'

"Kura ya leo inaashiria kushindwa kwa Urusi, ambayo imeshindwa katika majaribio yake ya kizembe ya kudhoofisha mamlaka ya kamati za kikanda za WHO na kuvuruga kazi ya Bunge la Afya Ulimwenguni na halmashauri yake kuu", amesema balozi wa Ukraine katika Uoja wa Mataifa huko Geneva, Yevheniia Filipenko.

"Afya haipaswi kuwa ya kisiasa. WHO lazima iweze kufanya kazi kwa kawaida. Ufaransa inaipongeza Ukraine, iliyochaguliwa na nchi nyingine 9 kwenye halmashauri kuu, licha ya majaribio ya Urusi ya kuizuia", uwakilishi wa Ufaransa umekaribisha katika ujumbe wa Twitter.