Niger: Paris 'inalaani vikali' kusitishwa kwa matangazo ya France 24 na RFI
"Ufaransa inalaani vikali kusitishwa kwa matangazo ya France 24 na RFI nchini Niger", imeandika Wizara ya Mambo ya Nje ya Ufaransa katika taarifa kwa vyombo vya habari. "Ufaransa inasisitiza dhamira yake ya mara kwa mara ya uhuru wa vyombo vya habari, uhuru wa kujieleza na ulinzi wa waandishi wa habari na wale wote ambao kujieleza kwao kunachangia habari huru na nyingi na mijadala ya umma, duniani kote," imeongeza Quai d'Orsay.
Imechapishwa:
"Nchini Niger, hatua zilizochukuliwa dhidi ya waandishi wa habari ni sehemu ya muktadha wa ukandamizaji wa kimabavu unaofanywa na viongozi wa jaribio la mapinduzi", imeandikwa katika taarifa kwa vyombo vya habari. "Baada ya kumteka nyara rais mteule wa Jamhuri ya Niger, wanashiriki katika kampeni ya kamata kamata kiholela dhidi ya wawakilishi wa kidemokrasia. Ufaransa inalaani ukiukwaji huu mkubwa wa uhuru wa kimsingi. ", inahitimisha taarifa kwa vyombo vya habari kutoka Wizara ya Mambo ya Nje.
Rais wa Nigeria anaiomba ECOWAS 'kufanya kinachowezekana' kwa azimio 'la kirafiki'
Rais wa Nigeria, Bola Tinubu, pia Rais wa sasa wa ECOWAS, ameomba wajumbe wa ECOWAS kuondoka Alhamisi jioni Agosti 3 kwenda Niamey "kufanya kinachowezekana" ili kuhakikisha utatuzi "wa kirafiki" wa mgogoro nchini Niger, kulingana na taarifa kwa vyombo vya habari kutoka ofisi ya rais iliyochapishwa kwenye mtandao wa kijamii wa X (zamani ukiitwa Twitter).
Rais Bola Tinubu pia ametangaza kwamba ameunda ujumbe mwingine unaoongozwa na balozi wa Nigeria kujadili na "viongozi wa Libya na Algeria" nchini Niger na kuwaagiza wajumbe hawa wawili "kufanya chochote kinachohitajika ili kuhakikisha azimio la mwisho na la amani la hali nchini Niger kwa maslahi ya amani na maendeleo barani Afrika”.