Urusi: Rais Putin atangaza kwamba Serikali imefadhili kundi la Wagner

Baada ya miaka mingi ya kukanusha, rais wa Urusi amekiri hivi punde: taifa la Urusi lilikuwa likifadhili kundi la Wagner. Bila onyo na bila tangazo la hapo awali, kama kawaida yake, hata kwa tangazo muhimu, akiwa ameketi nyuma ya meza yake, karatasi mkononi mwake, rais Putin ametoa tamko hili kwa sauti laini, isiyo na mkazo.

Rais wa Urusi Vladimir Putin, kulia, akizungumza wakati wa mkutano wake na wanajeshi wa Urusi kwenye Ikulu ya Kremlin huko Moscow, Urusi, Jumanne, Juni 27, 2023. AP - Mikhail Tereshchenko

Na mwandishi wetu huko Moscow,

"Tulifadhili kikundi hiki kikamilifu kupitia bajeti ya Wizara ya Ulinzi na bajeti ya serikali. Kuanzia mwezi Mei 2022 hadi mwezi Mei 2023 pekee, serikali ililipa mishahara ya kampuni ya Wagner na mafao ya motisha ya rubles bilioni 86 milioni 262, pamoja na pesa taslimu bilioni 70 milioni 384, bonasi za rubles bilioni 15 milioni 877, malipo ya bima ya bilioni 110 milioni 179, wakati. mmiliki wa kampuni ya Concord kupitia mikataba na jeshi na (licha ya ukweli kwamba matengenezo yote ya Wagner yalitegemea serikali) alipata rubles bilioni 80 kwa kutoa chakula kwa jeshi. Serikali ilisaidia kifedha na Concord, wakati huo sambamba, ilipata bilioni 80. Natumai wakati huo hakuna mtu aliyeiba chochote au kuiba kidogo tu. Kwa kweli, hii pia, tutagundua, "rais wa Urusi alisema.

Vladimir Putin: "Tulifadhili kundi hili kabisa kupitia bajeti ya Wizara ya Ulinzi na bajeti ya serikali ..."

Putin amewashukuru wanajeshi waliozuia 'vita vya wenyewe kwa wenyewe'

"Katika mapigano na waasi, wenzetu waliokuwa na silaha, marubani, walikufa. Hawakukurupuka na walitimiza kwa heshima wajibu wao wa kijeshi. Ninakuomba uheshimu kumbukumbu yao kwa ukimya wa dakika moja, "alisema Mkuu wa Nchi.