Ufaransa: Gabriel Attal anachukua nafasi ya Élisabeth Borne kama Waziri Mkuu

Akiwa na umri wa miaka 34, Gabriel Attal anakua Waziri Mkuu mwenye umri mdogo zaidi wa Jamhuri ya Tano. Kujiuzulu kwa Élisabeth Borne, Jumatatu Januari 8, kwa kweli kulizua uvumi kuhusu jina la mtu atakayechukua nafasi yake. Lakini dhana ya Attal, Waziri wa Elimu anayemaliza muda wake, alipata ushindi haraka juu ya wengine.

Gabriel Attal, hapa ilikuwa mwezi wa Julai 2023, alipochukua nafasi ya Pap Ndiaye kwenye nafasi ya Waziri wa Elimu ya Kitaifa. Kwa hivyo anasimamia shughuli za serikali huko Matignon mnamo Januari 9, 2023. AFP - BERTRAND GUAY

Gabriel Attal akiwa mkuu wa serikali mpya, ukurasa mpya unafunguliwa katika muhula huu wa pili wa miaka mitano wa Emmanuel Macron. Kwa hivyo, Rais wa Jamhuri amefanya chaguo la vijana na umaarufu, kwa kuwa Waziri wa Elimu anayemaliza muda wake alikuwa amejipatia, kwa wiki kadhaa, kiwango kizuri cha umaarufu, kulingana uchunguzi uliyofanywa na Ipsos-Le Point katikati ya mwezi wa Desemba, akimshinda Waziri Mkuu wa zamani Édouard Philippe.

Kwa hiyo Waziri Mkuu huyu mpya atalazimika kuunda serikali, kujiimarisha kwa wingi na mbele ya upinzani. Pia atalazimika kuongoza mapambano katika uchaguzi wa Ulaya dhidi ya Jordan Bardella, ambaye anaongoza orodha ya National Rally (RN) na anapewa nafasi kubwa ya kushinda katika uchunguzi uliyofanywa. Haya yote ni katika kivuli cha Emmanuel Macron.

Gabriel Attal, ashinda

Jina la Gabriel Attal limekuwa likizunguka kwa kasi katika saa za hivi karibuni. Karibu sana na Rais Emmanuel Macron, alichagua kuchukua zamu ya LREM mnamo 2017 na kuwa naibu katika Bunge la Kitaifa mwaka huo huo.

Mnamo 2018, aliingia serikalini akiwa na umri wa miaka 29, na kuwa Katibu dola wa Waziri wa Elimu ya Kitaifa na Vijana katika timu ya pili ya Waziri Mkuu Édouard Philippe. Kati ya mwaka 2020 na 2022, alichukua nafasi ya msemaji wa serikali ya Jean Castex. Tangu majira ya kiangazi ya mwaka 2023, ameshikilia wadhifa wa Waziri wa Elimu ya Kitaifa baada ya Pap Ndiaye kushikilia nafasi hii kwa muda mfupi.

 Hata hivyo, alianza kazi yake ya kisiasa katika Chama cha Kisoshalisti kwa kuunga mkono ugombea wa Ségolène Royal katika uchaguzi wa urais wa mwaka 2007. Karibu na Dominique Strauss-Kahn, hatimaye alimfuata François Hollande na kuingia katika baraza la mawaziri la Marisol Touraine mwaka wa 2012.

Kujiuzulu kwa Borne, mwanzo wa mabadiliko ya baraza la mawaziri

Élisabeth Borne alikaa katika ikulu ya rais kwa karibu saa moja Jumatatu Januari 8. Akiingia kupitia lango kuu, aliondoka kwa siri kupitia mtaa wa Élysée, kuashiria mwisho wa mlolongo wa miezi ishirini. Baada ya kusitasita kwa muda mrefu, Emmanuel Macron aliishia kuamua na kumtaka Élisabeth Borne aondoke nafasi yake.

Mabadiliko haya yalitarajiwa kwa siku kadhaa kutokana na maneno yaliyosemwa na Rais wa Jamhuri wakati wa hotuba yake kwa taifa mnamo Desemba 31. Aliwaweka sawa wanachi wakati wa hotuba yake ya jadi ya mkesha wa Mwaka Mpya iliyoonyeshwa kwenye televisheni, ikifuatiwa na kufutwa kwa kikao cha Baraza la Mawaziri la Jumatano Januari 3, 2024.