Ukraine yapokea ndege za kivita ili kuimarisha jeshi lake la anga
Ukraine imepokea ndege za kivita na vipuri ili kuimarisha jeshi lake la anga, msemaji wa Pentagon John Kirby alisema Jumanne, akikataa kutaja idadi au nchi zilizotoa ndege hizo.
Imechapishwa:
Rais Volodymyr Zelensky amekuwa akizidai tangu kuanza kwa uvamizi wa Urusi. Kufikia sasa jibu limekuwa hapana, kambi ya Magharibi ikihofia kuchukuliwa kuwa inashirikiana na Urusi. Hii inaonekana kuwa hali imebadilika, anaripoti mwandishi wetu huko Washington, Guillaume Naudin. Ndege za kivita na vipuri vimefikia jeshi la Ukraine.
"Ningesema tu, bila kutaja kile ambacho mataifa mengine yanatoa, kwamba wamepokea ndege mpya na vifaa vipya vya kijeshi ili kuweza kuongeza ukubwa wa jeshi lale la anga. Wamepokea ndege mpya na vifaa vya ndege ili kuwawezesha kurusha ndege zaidi,” msemaji wa Pentagon John Kirby alithibitisha.
Alibainisha kuwa Marekani, ambayo haitaki kuonekana kama nchi yenye uhasama katika mzozo huu, iliwezesha kutumwa kwa vipuri nchini Ukraine lakini haikutuma ndege.
Aina ya ndege haijabainishwa
Wala aina ya ndege au nchi ambazo zilitoa hazijabainishwa, lakini labda ni ndege zilizoundwa na Soviet ambazo wanajeshi wa Ukraine wamezoea. Wiki iliyopita, Moscow iliionya Marekani dhidi ya kuwasilisha silaha nyeti ambazo zinaweza kuwa na matokeo yasiyotabirika kwa usalama wa kikanda na kimataifa.
Kwa mujibu wa ripoti za vyombo vya habari, msururu mpya wa msaada wa kijeshi wa Marekani uko mbioni. Joe Biden tayari amethibitisha kwamba atatuma silaha zaidi nchini Ukraine.
Kyiv Ilikuwa ikidai kutoka kwa washirika wake wa Magharibi Mig-29s ambazo askari wake tayari wanajua jinsi ya kuzirusha, na ambayo nchi chache za Ulaya Mashariki zinazo. Uwezekano wa uhamisho wa ndege hizo za Urusi kutoka Poland ulikuwa umejadiliwa mwanzoni mwa mwezi Machi, kabla ya Marekani kuupinga, ikihofia kwamba Urusi inaweza kuona ushiriki mkubwa wa moja kwa moja wa NATO katika mzozo huo.