Korea Kusini: Kiongozi wa upinzani adungwa kisu shingoni
Kiongozi wa upinzani nchini Korea Kusini Lee Jae-myung alikuwa bado na fahamu alipopelekwa hospitalini baada ya kuchomwa kisu shingoni siku ya Jumanne.
Imechapishwa:
Akiongea na waandishi wa habari katika mji wa bandari wa Busan, kiongozi wa upinzani wa Korea Kusini Lee Jae-myung alidungwa kisu shingoni siku ya Jumanne kusini mashariki mwa Korea Kusini, Shirika la Habari la Yonhap limeripoti. Shirika la Yonhap limerusha hewani picha ambayo mwanasiasa huyo anaonekana akigaragara chini, huku leso ikifunika jeraha lake.
Rais wa Korea Kusini Yoon Suk Yeol ameelezea "wasiwasi wake" siku ya Jumanne baada ya shambulio hilo. "Yoon Suk Yeol amesisitiza kwamba jamii yetu haipaswi kamwe kuvumilia aina hii ya unyanyasaji, bila kujali mazingira," msemaji wa rais wa Korea Kusini ameripoti.
Mwandishi akamatwa papo hapo
Lee Jae-myung alikuwa bado na fahamu alipopelekwa hospitalini. Mshambuliaji huyo alikamatwa kwenye eneo la tukio, kulingana na chanzo hicho. Kiongozi wa Chama cha Demokrasia, alishindwa na mwanahafidhina Yoon Suk Yeol katika uchaguzi wa rais wa mwaka 2022 uliofanyika nchini Korea Kusini.
Lee Jae-myung, mfanyakazi wa zamani na gavana wa jimbo lenye watu wengi zaidi nchini, alipendekeza hatua za awali, ikiwa ni pamoja na kiwango cha chini cha mapato kwa wote na sare za shule bila malipo.