Korea Kaskazini: Kim Jong-un aionya Marekani
Kujibu vitisho vya nyuklia vya Marekani na silaha zake za nyuklia. Huu ni kwa kifupi ujumbe uliotumwa na Kim Jong-un katika vyombo vya habari vya serikali Jumamosi hii, Novemba 19. Kiongozi wa Korea Kaskazini alisimamia zoezi la kurushwa kwa kombora la masafa marefu siku moja kabla.
Imechapishwa: Imehaririwa:
Pyongyang inasema hili ni jaribio la kwanza la mafanikio la kombora liitwalo Hwasong 17, lililopewa jina la "kombora kubwa". Njia mpya ya mashambulizi kutoka kwa Kiongozi wa Korea Kaskazini, Kim Jong-un, katika mazingira tatanishi kwenye rasi ya Korea.
Ikiwa kurushwa kwa kombora lenye uwezo wa kupiga mji wa Washington au New York hakutoshi, ujumbe uliotumwa na Kim Jong-un kwa vyombo vya habari vya serikali ya Korea Kaskazini ni wazi zaidi. Pyongyang "itajibu kwa uthabiti silaha za nyuklia kwa silaha za nyuklia na makabiliano kamili kwa makabiliano yasiyo na huruma," kiongozi wa Korea Kaskazini aliahidi wakati wa jaribio la urushaji kombora la Hwasong 17.
Kurushwa kwa kombora hili la ajabu kwa ukubwa wake na uwezo wake wa kubeba vichwa kadhaa vya nyuklia ni kazi ya kiufundi kwa "ufalme wa hermit". Lakini wataalam wanatilia shaka matumizi yake ya vitendo katika tukio la mzozo. Licha ya kila kitu, bado ni mafanikio ya kifahari kwa Kim Jong-un ambaye alihudhuria tukio hilo na familia yake akiandamana na mkewe na bintiye.
Ishara ya mtoto
Huyu ni mtoto wa kwanza kumuonyesha rasmi kwa umma. Na kwa matembezi haya ya kwanza ya familia, picha za binti yake akiwa ameshika mkono wa babake mbele ya kombora la balestiki zilichapishwa kwenye vyombo vya habari vya serikali. Chaguo la mfano kutokana na mwelekeo wa nasaba ya utawala. Kwa mujibu wa Pyongyang, onyesho hili jipya la mfuatano wa nguvu linakuja kujibu matamshi ya Marekani na washirika wake yanayoibua uimarishaji wa uwepo wa kijeshi wa Marekani katika eneo hilo.