Ufaransa na Moldova zasaini makubaliano ya ushirikiano wa ulinzi
Ufaransa imetangaza Alhamisi Machi 7 "msaada wake usiotetereka" kwa "uhuru na uadilifu wa " Moldova. Rais wa Moldova amepokelewa Jumatano hii Machi 7 huko Élysée ili kuhitimisha makubaliano ya ulinzi kati ya nchi hizo mbili.
Imechapishwa:
Wiki moja baada ya wito kutoka kwa wanaotaka kujitenga wa Transnistrian kwa "ulinzi" wa Moscow, ambayo inadumisha wanajeshi 1,500 katika mkoa huu unaopakana na Ukraine, Emmanuel Macron na mwenzake Maia Sandu waliitaka, katika taarifa ya pamoja, Urusi "kuondoa vikosi vyake vilivyowekwa kinyume cha sheria kwenye eneo la Moldova. Paris imesema iko tayari "kutoa mchango wake, wakati utakapofika, kwa suluhu la kudumu na la amani la mzozo huu", uliogandishwa tangu 1992, wakati wa kuhamishwa kwa Umoja wa Kisovieti.
Uvamizi wa Urusi nchini Ukraine umezusha mvutano katika eneo hili la ardhi lenye zaidi ya kilomita 4,000, na pia huko Moldova, "inayokabiliwa na kuongezeka kwa mashambulio ya mseto" kulingana na taarifa kwa vyombo vya habari, Chisinau anahofia hasa kuongezeka kwa taarifa potofu katika maandalizi ya uchaguzi wa rais na kura ya maoni kuhusu uanachama wa Umoja wa Ulaya, iliyopangwa kufanyika katika majir ya baridi.
"Umoja ulio imara"
Nchi jirani ya Ukraine, Moldova ina bajeti ndogo ya ulinzi. Kwa muda mrefu imekuwa na mahusiano ya mvutano na Urusi, ambayo yameongezeka kwa kasi tangu Februari 2022. Serikali ya Chisinau inaunga mkono kithabiti Kiev huku wale wanaotaka kujitenga wanaounga mkono Urusi huko Transnistria, ukanda mwembamba wa ardhi kwenye mpaka wa Ukraine, wakiomba kuungwa mkono na Moscow. “Tusipomzuia mchokozi ataendeleza uchokozi wake na mstari wa mbele utaendelea kusogea karibu zaidi. Ili kuwa karibu nasi. Ili kuwa karibu na wewe,” ametangaza Maia Sandu, pamoja na Emmanuel Macron. "Ulaya kwa hivyo lazima iwasilishe mbele ya umoja. Uchokozi lazima uondolewe kwa nguvu," ameongeza rais wa Moldova.
Mkataba uliosainiwa
"Utawala wa Moscow unajaribu kudhibiti nchi yangu kupitia matumizi mabaya ya nishati, kuandaa maandamano, kufanya mashambulizi ya mtandaoni (...) na hata kupanga njama ya mapinduzi," amesema Maia Sandu, wakati wa mkutano na waandishi wa habari na Emmanuel Macron. Kutokana na "majaribio haya ya kuingilia kati ambayo yanalenga kugawanya kwa uwazi sana jamii ya Moldova (...) Ufaransa na Umoja wa Ulaya zinasimama upande wako," amejibu rais wa Ufaransa. "Raia wa Moldova wanaweza kujivunia kupigana kwao kwa amani kwa uhuru" hali ambayo "inawakilisha changamoto kwa Urusi ya Vladimir Putin," amesisitiza.
Mkataba uliotiwa saini mara moja na mawaziri wa ulinzi wa mataifa hayo mawili unatoa hasa kwa "kufunguliwa katika miezi ijayo ya ujumbe wa kudumu wa ulinzi huko Chisinau", amebainisha, na kuongeza kuwa "Hii ni hatua ya kwanza." Katika nyanja ya kiuchumi, nchi hizo mbili pia zilianzisha "ramani ya barabara ya nchi mbili inayobainisha miradi ya siku za usoni itakayoendelezwa pamoja".