Mafuta: Saudi Arabia yatangaza kupunguzwa kwa mapipa milioni moja kwa siku
Saudi Arabia imeamua kupunguza tena uzalishaji wa mafuta, Mwanamfalme wa Saudia Abdelaziz bin Salman alitangaza Jumapili, akitumai kuongeza bei.
Imechapishwa:
Hatua hii inatumika kuanzia mwezi Julai na "inaweza kuongezwa", alisema katika mkutano na waandishi wa habari baada ya mkutano huko Vienna wa wanachama kumi na tatu wa Jumuiya ya Nchi Zinazouza Mafuta (OPEC) na washirika wao kumi wakiongozwa na Urusi.
Mazungumzo hayo yalichukua masaa kadhaa, huku vyombo vya habari vikiripoti tofauti kati ya washiriki 23, ambao wanawakilisha 60% ya uzalishaji wa dhahabu nyeusi duniani. Mwishoni mwa majadiliano, Umoja wa Falme za Kiarabu, ukiwa na shauku ya kusukuma zaidi, ulipata ongezeko la msingi wa kukokotoa kiwango chake cha uzalishaji ghafi, kulingana na jedwali jipya lililochapishwa na OPEC.
Kulingana na shirika la habari la Bloomberg, ombi hili awali lilikuja dhidi ya kusita kwa Angola, Kongo na Nigeria, ambayo kwa kurudi ilishuhudia malengo yao yakishushwa mwaka ujao wakati wanajitahidi kuyafikia.
Mdororo wa uchumi
Ishara hii kutoka kwa Ryad inakuja wakati bei zimepungua katika miezi ya hivi karibuni licha ya tangazo la mapema mwezi Aprili la kupunguzwa kiwango kwa kasi. Hatua hiyo imeshindwa kuinua bei katika soko na hofu ya kuzorota kwa uchumi wa dunia, kuongezeka kwa viwango na benki kuu na urejeshaji wa mahitaji nchini China inapoibuka kutoka kwa vizuizi vya kupambana na Uviko.
Brent, kigezo cha mafuta ghafi barani Ulaya, kwa sasa kinauzwa kwa dola 76 kwa pipa, na sawa na Marekani, WTI ni dola 71 - mbali na vilele vilivyorekodiwa mwezi Machi 2022 mwanzoni mwa mzozo nchini Ukraine (karibu dola140).