Beijing yataka kushirikiana kwa karibu na Berlin katika kukabiliana na changamoto za kiuchumi

Waziri Mkuu wa China Li Qiang, ambaye yuko ziarani Berlin, nchini Ujerumani, ameomba Jumanne kuimaridhwa kwa ushirikiano na Ujerumani ili kuondokana na matatizo ya kiuchumi na amehakikisha kuwa nchi yake inazingatia "umuhimu mkubwa" wa uhusiano na Umoja wa Ulaya.

Kansela wa Ujerumani Olaf Scholz, kulia, akipeana mkono na Waziri Mkuu wa China Li Qiang mbele ya ofisi ya shirikisho ya Kansela kabla ya mapokezi ya heshima za kijeshi kwa mashauriano ya serikali ya Ujerumani na China, mjini Berlin, Ujerumani, Jumanne Juni 20, 2023. AP - Michael Kappeler

"Kuimarika kwa uchumi wa dunia kunakosa kasi ya ukuaji. China na Ujerumani, kama mataifa makubwa yenye ushawishi, yanapaswa kushirikiana kwa karibu zaidi kwa ajili ya amani na maendeleo ya dunia," Li Qiang amesema katika mkutano na waandishi wa habari pamoja na Kansela wa Ujerumani Olaf Scholz.

Afisa huyo wa China pia amehakikisha kwamba Beijing "inashikilia umuhimu mkubwa kwa uhusiano wa Umoja wa Ulaya na China na inataka kufanya kazi na Ujerumani kukuza uhusiano huu".

Kansela wa Ujerumani Olaf Scholz amempokea Waziri Mkuu wa China kwa mazungumzo nyeti katika kurekebisha kikamilifu diplomasia ya Ujerumani kuelekea China, ambayo bado ni mshirika wake wa kwanza wa kibiashara. Tume ya Ulaya, kwa upande wake, itatangaza mkakati wake siku ya Jumanne kujibu kwa nguvu zaidi kwa hatari juu ya usalama wake wa kiuchumi, na China hasa bial kutengwa.

Ujerumani sasa inakubali mtazamo muhimu zaidi kuelekea jitu hilo la Asia, ikilinganishwa na mazoea ya zamani, hasa enzi ya Kansela Angela Merkel, wakati Ujerumani ilijaribu zaidi kuimarisha uhusiano wake wa kibiashara na China.

Uchumi unaoongoza barani Ulaya unalenga kubadilisha washirika wake ili "kupunguza hatari" zinazohusiana na utegemezi wake wa kupita kiasi kwa Uchina, lakini haiwezi kumudu kuhatarisha ufikiaji wake wa soko la China, ambalo ni muhimu kwa tasnia yake yenye nguvu. "Ujerumani inaweka benki katika kupanua uhusiano wa kiuchumi barani Asia. Hatutaki kujifunga na mshirika, tunataka ushirikiano wenye uwiano," Olaf Scholz amesema katika mkutano na waandishi wa habari, pia akihakikisha kwamba Berlin "haina nia" ya kujiondoa kiuchumi kutoka China.