Makubaliano kati ya Korea mbili yamaliza mvutano wa kijeshi
Baada ya mazungumzo yaliofanyika kwa kasi, Korea mbili zimefikia katika usiku wa Jumatatu kuamkia Jumanne wiki hii makubaliano yanayomaliza mvutano usiokua wa kawaida ambao ulijitokeza tangu siku kadhaa zilizopitaya.
Imechapishwa:
Katibu Mkuu wa Umoja wa Mataifa amekaribishwa mkataba huo.
Serikali ya Korea Kaskazini imeelezea masikitiko yake ya kipekee kwa milipuko ya mabomu ya kutegwa ardhini iliotokea mwanzoni mwa mwezi Agosti kwenye mpaka wake na jirani yake Korea Kusini. Milipuko ambayo imesababishwa na mgogoro huo.
Kwa mujibu wa mwandishi wa RFI katika mji wa Seoul, Frédéric Ojardias, makubaliano hayo yamefikiwa usiku, baada ya siku tatu za mazungumzo magumu, wakati ambapo majeshi ya Korea hizo mbili yalioneshana misuli katika jaribio la kila upande kuutishia mwengine. Baada ya makubaliano hayo, mjumbe wa Korea Kusini katika mazungumzo hayo Kim Kwan-jin ametangaza pointi kuu walizoakubaliana.
Korea Kaskazini imeelezea masikitiko yake kuhusu milipuko iliyotokea hivi karibuni. Imekubali hata kama haikujionesha moja kwa moja kwamba ilihusika katika ajali hiyo, hali ambayo imepelekea Korea kusini kuondokana na tuhuma hizo za kuitishia Korea Kaskazini.
Seoul kwa upande wake, imekubali kusitisha kueneza propaganda zake zinazopinga nadharia ya kikomunisti kupitia spika zilizokuwa zikiwekwa juu ya eneo la mpaka wa kijeshi. Korea hizi mbili pia zimeahidi kuendelea na mazungumzo hivi karibuni, hasa kwa kujadili maandalizi ya mikutano kuhusu kifamilia zilizotenganishwa na mpaka.
Makubaliano hayo hayana nguvu lakini yana umuhimu. Nchini Korea Kusini, wachambuzi wanaamini, hata hivyo, kwamba mkataba huo haipaswi kuzuia Pyongyang katika siku zijazo ili kuendelea na mkakati wake wa kuachana na uchokozi na kuonesha ukarimu.