Mali yadai kuwa imepata data za uchaguzi kutoka kwa kampuni ya Ufaransa

Mamlaka ya mpito ya Mali inadai kuwa imefanya udukuzi kwa kampuni ya Ufaransa ili kurejesha data za uchaguzi. Jumanne jioni, katika habari ya runinga ya serikali ORTM, ripoti ndefu ilitolewa, na wadukuzi wa Mali wanaofanya kazi kwa niaba ya mamlaka ya mpito, kutoka kampuni ya Ufaransa ya Idemia inayoshutumiwa kwa "kushikilia mateka" data hizi.

Mji mkuu wa Mali, Bamako. (Picha ya kielelezo) Getty Images - john images

Kwa shutuma hizi za "kuteka nyara" data za uchaguzi, Bamako ilihalalisha, mwishoni mwa mwezi wa Septemba mwaka uliyopita, kuahirishwa kwa muda usiojulikana kwa uchaguzi wa urais uliopangwa kufanyika mwezi huu wa Februari. Jioni ya Jumanne, Februari 13, mamlaka ya mpito ilieleza kwa raia wa Mali, katika uwasilishaji makini, kwamba ilimepata data hizo zenye thamani.

Mwakilishi wa "Kamati ya Kiufundi ya Wataalam wa Kujitolea" anasema kwamba timu yake ya wadukuzi, ambao walijitolea kwa ukarimu katika huduma ya mamlaka ya mpito ya Mali, walifanya kazi "majuma matatu mchana na usiku" ili "kurejesha nywila zote za seva zote" na kufikia data muhimu ya Ravec, sensa ya kiutawala kwa madhumuni ya hali ya kiraia.

Chini ya pongezi za rais wa mpito wa Mali mwenyewe, Kanali Assimi Goïta, na Kanali Abdoulaye Maïga, Waziri wa mamo y Ndani, anayesimamia uchaguzi. Nani, wakati huo huo, anawasilisha faili mpya ya Biometria ya Mali Koura - "Mali Koura" ikimaanisha "Mali Mpya", usemi ambao umekuwa kauli mbiu ya mamlaka ya mpito.

"Suluhisho kuu"

"Kubadili" kutoka kwa faili ya zamani, iliyoundwa na kampuni ya Ufaransa Idemia, kwa faili hii mpya haitakuwa na "gharama yoyote" kwa fedha za umma, waziri apongeza. "Kesi" ikiwa "imeoshwa" na "hatari kuondolewa", kulingana na maoni ya mwandishi wa habari wa ORTM, wadukuzi kumi na watatu "wazalendo" wametunukiwa zawadi na Kanali Assimi Goïta kama Wazalendo bora.

Rais wa mpito anapongeza "kazi bora" ya "wataalamu wa kitaifa" na kuanzishwa kwa mfumo mpya wa utambuzi wa kibayometriki, "suluhisho huru lililotengenezwa na Wanamali".

"Mali imekuwa na ufikiaji wa data kila wakati"

Ilipohojiwa na RFI, mamlaka ya Ufaransa haijajibu katika hatua hii. Hakuna maoni rasmi kutoka kwa kampuni inayohusika, Idemia, lakini chanzo karibu na kampuni hiyo kinaihakikishia RFI kwamba "Mali daima imekuwa na ufikiaji wa mfumo wa data" unaohusika.

"Ushirikiano ulikuwa umesimama lakini walikuwa na nywila na data ilikuwa inapatikana", kinathibitisha chanzo hiki, ambacho kinakumbushaa kile mamlaka ya Mali ilikuwa imeonyesha wakati huo, kwamba ilikuwa "uhamisho wa umiliki wa mfumo" ambao ulikuwa chanzo cha mzozo. Je, uingiliaji bado umeonekana katika mifumo ya kompyuta ya kampuni, na matokeo gani? Hakuna jibu juu ya hatua hii.

Madeni na uchaguzi

Mwishoni mwa mwezi wa Septemba, miezi minne na nusu iliyopita, mamlaka ya mpito ya Mali pia ilitambua, katika taarifa yao kwa vyombo vya habari, kuwa na mkataba wa deni la zaidi ya faranga za CFA bilioni 5 kwa kampuni ya Idemia, "na ndio sababu mfumo wa data za Ravec zilisitishwa tangu mwezi wa Machi 2023,” Bamako imebainisha.