Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 20/06 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 20/06 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 19/06 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Habari mpya kabisa
E.A.C

Marekani, Saudi Arabia kushiriki maonyesho ya kimataifa ya biashara ya Dar es Salaam

media Mkurugenzi Mkuu wa Mamlaka ya Maendeleo ya biashara Tanzania (Tan Trade) Edwin Rutageruka akihojiwa na mwandishi wa RFI Kiswahili, Fredrick Nwaka Mei 30, 2018 Tan Trade

Nchi zaidi ya 30 ikiwemo Marekani na Saudi Arabia zinatarajiwa kushiriki maonyesho ya 42 ya kimataifa ya biashara ya Dar es Salaam yanayopangwa kuanza Juni 28 hadi julai 13 mwaka huu.

Akizungumza kuhusu matayarisho Mkurugenzi Mkuu wa Mamlaka ya Maendeleo ya biashara Tanzania, Edwin Rutageruka ameiambia idhaa ya Kiswahili ya RFI kwamba baadhi ya nchi zitashiriki maonyesho hayo kwa mara ya kwanza.

“Maandalizi tayari yako ukingoni na tayari nchi 28 zimethibitisha kushiriki kama Japani, Saudi Arabia, Ujerumani na Marekani lakini tunafurahi sana kuja kwa Saudi Arabia kwa mara ya kwanza,”amesema Rutageruka

Saudi Arabia itashiriki kwa mara ya kwanza katika maonyesho hayo ambayo yaliasisiwa kwa mara ya kwanza mwaka 1976.

Rutageruka amesema Mamlaka ya maendeleo ya biashara kwa kushirikiana na taasisi nyingine ikiwemo kituo cha uwekezaji Tanzania (TIC) na Shirika la Viwanda vidogovidogo (SIDO) zimekuwa zikishirikiana ili kuimarisha uzalishaji wa bidhaa bora za wafanyabiashara wa Tanzania ambazo zitakuwa na soko nje ya nchi.

Maonyesho ya biashara ya Dar es Salaam maarufu kama Sabasaba ni fursa kwa wazalishaji na wafanyabiashara wa ndani ya Tanzania kuonyesha bidhaa wanazozalishwa kwa wanunuzi wa ndani na nje ya pia.

Mataifa jirani yatakayoshiriki katika Maonyesho ya biashara ya kimataifa ya Dar es Salaam ambayo hufanyika kila mwaka yakiwakutanisha wafanyabiashara wa ndani na nje ya Tanzania ni pamoja na mataifa yanayounda Jumuiya ya Afrika Mashariki.

Kuhusu mada hiyo hiyo
 
Samahani, mwunganisho na sava umeshindikana