sikiliza tena
Mtazamo Wako Kwa Yaliyojiri Wiki Hii
Matukio makubwa yalitokea duniani wiki …
Ramani ya dunia iliyopambwa na bendera ya mataifa mbalimbali
 
Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 31/08 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 31/08 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 31/08 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Tamasha la Muziki la “Sauti za Busara” Februari 13–16 mjini Zanzibar

media Tamasha la muziki, Zanzibar februari 13-16 mwaka 2014

Tamasha la Muziki la Zanzibar maarufu kama Sauti za Busara ni tamasha amabalo hufanyika barani Afrika kila mwaka mwezi Februari katika mji mkongwe wa Zanzibar nchini Tanzania. Ni tamasha ambalo huwajumuisha wasanii kutoka nchi mbalimbali barani Afrika na nje ya bara hilo. “ Lengo ni kuwaleta pamoja watu na kuonyesha utajiri wa muziki wa kisasa ambao umebuniwa katika nchi za Afrika mashariki, nchi nyingine kutoka barani Afrika na kwingineko duniani.”

Makala ya 11 ya tamasha hilo yatafanyika mwaka huu kuanzia tarehe 13 hadi tarehe 16 Februari katika viwanja vya kihistoria vya Ngome Kongwe, zanzibar. Tamasha hili litaanza rasmi tarehe 13 Februari majira ya saa kumi na moja jioni kwa muziki wa Taarab utakaotumbwizwa na kikundi cha muziki cha Baladna Taarab cha Zanzibar.

Mbali na maonyesho ya papo kwa papo ya muziki, tamasha la Sauti za Busara linajishughulisha pia na mambo mengine yakiwemo mitindo, na maonyesho mbalimbali yanayohusiana na tamasha hilo kama maonyesho ya matembezi katika mitaa ya mji.

Miongoni mwa wasanii maarufu wanaotarajiwa kuwasili na kushiriki katika tamasha hilo ni pamoja na Jupiter & Okwess International wa Jamhuri ya Kidemokrasia ya Congo (DRC), Noumoucounda Cissoko kutoka Senegal, Tritonik wa Visiwa vya Mauritius na wengine wengi.

Kwa Mujibu wa Afisa Habari wa Kamati ya Maandalizi ya Tamasha hilo, kati ya zaidi ya maombi 500 yaliyowasilishwa, vikundi takriban thelathini tu ndivyo vilivyochaguliwa kushiriki katika Tamasha hilo na kushirikisha Wasanii wapatao 200.

Kauli mbiu ya mwaka huu, kama ilivyo ada, ni “Asilimia mia moja, Muziki wa kiafrika Live”.

Aidha mafunzo yatatolewa katika muktadha wa tamasha hilo ikiwemo pamoja na warsha za mafunzo “ kuwajenga uwezo na ujuzi wasanii, mameneja, wanahabari wa muziki, watengeneza filamu, mafundi wa sauti na mafundi wa taa kutoka eneo la Afrika mashariki”.

Hili ni tamasha ambalo pia lina sifa ya kuwavutia watalii wengi na kukuza sekta hiyo nchini Tanzania na kutoa fursa za ajira kwa wazawa wa Zanzibar na Tanzania kwa Ujumla. Kwa “muda wote wa tamasha, kisiwa cha Zanzibar kinarindima kwa matukio ya kufurahisha: ngoma za kiasili na wachezaji, maonyesho ya mitindo, mbio za ngalawa, vikao vya wazi, burudani pamoja na muziki wa taarab wenye asili za Zanzibar. Vyote hivi vinaandaliwa na wenyeji wa Zanzibar”, bila kusahau filamu za aina tofauti.

Kwa habari na maelezo zaidi tembelea tovuti ya Sauti za Busara http://www.busaramusic.org
 

 
Samahani, mwunganisho na sava umeshindikana