Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 01/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 01/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 30/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Mashariki ya Kati

Umoja wa Mataifa UN na Marekani zapinga taarifa za Waasi na Wapinzani kutumia silaha za kemikali iliyotolewa na Wachunguzi wa UN

media Silaha zinazotumiwa na Waasi nchini Syria zinazotajwa kuwa na kemikali ya sumu aina ya sarin 路透社

Timu ya Uchunguzi ya Umoja wa Mataifa UN imekanusha haina ushahidi unoanonesha Waasi na Wapinzani nchini Syria wanatumia silaha za kemikali aina ya sarin kama ambavyo imeelezwa jana na Mjumbe wa Kamati ya Uchunguzi Carla Del Ponte.

Taarifa iliyotolewa na Umoja wa Mataifa UN imekanusha vikali uwepo wa ushahidi unaoonesha Wapiganaji wa Waasi na wale wa Upinzani wamekuwa wakitumia silaha hizo za kemikali kwenye mapambano yao dhidi ya Jeshi la Serikali.

Tume ya Uchunguzi ya Umoja wa Mataifa nchini Syria imsema haijafikia suluhisho na kubaini upande gani kwenye mgogoro wa Syria unatumia silaha hizo za kemikali kutokana na kutopatikana kwa ushahidi wa kutosha kuthibitisha hilo.

Marekani nayo imekuwa nchi ya kwanza kukanusha uwepo wa matumizi ya silaha za kemikali kwa wapinzani nchini Syria kwani yenyewe awali ilitoa taarifa iliyoonesha Jeshi la Rais Bashar Al Assad ndilo linatumia silaha za kemikali.

Marekani, Uingereza na Israeli zilikuwa nchi za kwanza kutoa ushahidi ya kwamba serikali ya Rais Assad ndiyo inatumia silaha za kemikali katika kuashambulia wapiganaji wa Upinzani licha ya serikali yenye kukanusha hilo.

Msimamo wa Marekani umetangazwa na Msemaji wa Ikulu ya Marekani Jay Carney ambaye ameendelea kushikilia msimamo ule ule ya kuwa Jeshi la Serikali ndilo linatumia silaha za kemikali na si Wapiganaji wa Waasi na wale wa Upinzani.

Jumuiya ya Kujihami ya Nchi za Magharibi NATO yenyewe imekuwa na msimamo tofauti na kueleza lazima uchunguzi ufanyike ili kubaini ukweli badala ya kukanusha bila ya kuwa na ushahidi wa kutosha.

Katibu Mkuu wa NATO Anders Fogh Rasmussen amesema kuna uwezekano pande zote zinazishiriki kwenye mapambano hayo zikawa zinatumia silaha za kemikali ili kuhakikisha wanshinda vita hivyo.

Rasmussen amezitaka nchi kutokuwa na papara kukanusha tu hizo taarifa kwa sababu wamekuwa wakishirikiana na Wapinzani na badala yake uchunguzi makini ufanyike ili ukweli wa mambo ubainike.

Tayari Baraza la Taifa la Upinzani Nchini Syria SNC limekuwa mstari wa mbele kukanusha wao wanatumia silaha za kemikali wakielekeza kidole cha lawama kwa serikali wakisema ndiyo yenye uwezo huo.

Mapema jumatatu Carla Del Ponte akifanya mahojiano na kituo kimoja cha Utangazaji nchini Uswiss alisema wamepata ushahidi wa awali kulingana na madaktari waliofanya uchunguzi kwa waathirika na kubaini Waasi na Wapinzani ndiyo wanatumia silaha za kemikali zenye sumu ya sarin.

 
Samahani, mwunganisho na sava umeshindikana