Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 06/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 06/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 06/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Ulaya

Trump amshambulia Macron kwa kukejeli NATO

media Rais wa Marekani Donald Trump amemshambulia Rais wa Ufaransa Emmanuel Macron kabla ya mkutano wa maadhimisho ya miaka 70 ya NATO. © AFP

Rais wa Donald Trump amemshambulia Rais wa Ufaransa Emmanuel Macron kabla ya mkutano wa maadhimisho ya miaka 70 ya NATO na kutusi mkutano ulioandaliwa katika hali tete kati ya wanachama wa jumuiya hiyo.

Maadhimisho haya hayakuwa na sherehe kubwa kutokana na kuibuka tofauti kati ya wanachama kuhusu Syria au ufadhili wa jumuiya ya kujihami ya nchi za Magharibi (NATO), huku Emmanuel Macron akizusha sintofahamu baada ya kusema kuwa NATO ambayo ilianzishwa mnamo mwaka 1949 ni 'ubongo uliokufa'.

Mkutano huo unaotajarajiwa kuanza hii leo Jumanne, tayari umekumbwa na mzozo mkali kati ya wanachama wake, hususan Ufaransa na Uturuki, pamoja na muendelezo wa suala la mchango wa mataifa mwanachama.

Rais wa Uturuki Recep Tayyip Erdogan, amesema kwamba atapinga mpango wa Nato wa kiulinzi kwa nchi za Baltiki iwapo haitaiunga mkono Uturuki katika vita vyake dhidi ya kikundi cha Kikurdi ambacho inakichukulia kama kigaidi.

Hata kabla ya vikao rasmi Jumanne usiku katika eneo la Buckingham na Jumatano kwenye uwanja wa gofu wa kifahari nje kidogo ya mji wa London, Rais wa Donald Trump amemkosoa Rais wa Ufaransa Emmanuel Macron kwa kusema Nato ni 'ubongo uliokufa'.

Huu ni 'uamuzi mbaya sana tena sana kwa nchi 28,' Donald trump ameongezea katika mkutano na waandishi wa habari akiwa pamoja na Katibu Mkuu wa NATO Jens Stoltenberg. Donald Trump amesema 'ameshangazwa sana' na kauli ya Emmanuel Macron, ambaye anatarajia kukutana naye kwa mazungumzo leo Jumanne, huku akibaini kwamba kauli hiyo 'ni hatari sana' kwa Ufaransa.

"Kwa wakati huu hakuna anayehitaji usaidizi wa Nato kama Ufaransa... Manufaa inayopata Marekani ni machache mno. Huu ni usemi hatari sana. "Ninamwangalia [Bwana Macron] kisha najiambia, anahitaji ulinzi zaidi ya mwengine yoyote hivi sasa lakini pia namuona akijiondoa kutoka kwa Nato. Hata hivyo ni jambo ambalo halijanishangaza kwa kweli."

Bwana Macron alielezea muungano huo kama "ubongo uliokufa", akisisitiza kile anachokiona kama kutokuwa na utashi wa mdhamini mkuu, Marekani.

Bw Trump amekosoa vikali nia ya Ufaransa kutaka kutoza ushuru mkubwa kwa makampuni makubwa ya kiteknolojia ya Marekani. Utawala wa Trump tayari umetishia kutoza ushuru wa hadi 100% sawa na dola bilioni 2.4 za bidhaa kutoka Ufaransa ikiwa ni pamoja na Roquefort, yogurts na mvinyo.

Trump amesema rais wa Ufaransa, "amezikosea heshima" nchi zengine, mataifa wanachama.

Kuhusu mada hiyo hiyo
 
Samahani, mwunganisho na sava umeshindikana