Kiongozi wa zamani wa Catalonia aachiliwa huru kwa dhamana Ujerumani
Rais wa zamani wa eneo la Catalonia aliyetimuliwa Carles Puigdemond ameachiliwa huru na vyombo vya sheria vya ujerumani, baada ya kukamatwa hivi karibuni kwenye mpaka wa nchi hiyo na Denmark.
Imechapishwa:
Hatua hiyo ilichukuliwa siku ya Alhamisi jioni na mahakama ya Ujerumani baaad ya kufutilia mbali shutma za uasi zilizokua zikimkabilii Bw Puigdemond.
Kiongozi huyo wa zamani wa Catalonia alikamatwa tarehe 25 Machi kaskazini mwa Ujerumani wakati ambapo alikua akitokea Finland akielekea Ubelgiji.
Polisi ya Ujerumani katika kutekeleza hukumu ya baraza zima la Ulaya iliyotolewa na mahakama ya juu ya Uhispania, ilimkamata na kumtia mbaroni Carles Puigdemont, aliyetimuliwa mamlakani na kisha kulazimika kutoroka Uhispania.
Ameachiliwa huru kwa dhamana ya euro 75,000.
Carles Puigdemont ataachiliwa rasmi leo Ijumaa, Aprili 6. Kiongozi huyo wa zamani wa Catalonia anaweza kuondoka jela la Neumünster kaskazini mwa Ujerumani baada ya kulipa euro 75,000. Hana haki ya kuondoka Ujerumani, na ametakiwa kufahamisha mamlaka husika kuhusu harakati zake na kuripoti kwa mamlaka husika mara moja kwa wiki.
Carles Puigdemont anakabiliwa na kifungo cha miaka 25 jela iwapo atarejeshwa nchini Uhispania.
Ni takriban miezi sita sasa imepita tangu Puigdemont alipotoa tangazo la upande mmoja la kujitenga jimbo hilo la Catalonia na maeneo mengine nchini Uhispiania. Kiongozi huyo alituhumiwa kuzusha ghaisa, fitina na uasi wa sheria, na kutakiwa kuripoti mbele ya mahakama ya juu ya nchi hiyo.
Hata hivyo kabla ya kufika mahakamani hapo, alikimbilia nchini Ubelgiji. Kwa ajili hiyo, kutiwa mbaroni mwanasiasa huyo, ni pigo kubwa kwa harakati ya kutaka kujitenga jimbo la Catalania.