Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 15/11 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 15/11 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/11 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Ulaya

Mashambulizi ya Paris: Salah Abdeslam asikilizwa Ufaransa

media Askari wa kikosi cha BRI kimetumwa pembezoni mwa Mahakama mjini Paris ambako Salah Abdeslam anasikilizwa na majaji Jumatano hii Aprili 27, 2016. REUTERS/Christian Hartmann

Salah Abdeslam, mmoja wa watu walioendesha mashambulizi katika mji wa Paris alie hai amewasili nchini Ufaransa Jumatano asubuhi. Alihamishwa kutoka Ubelgiji ambako alikuwa akizuiliwa tangu kukamatwa kwake Machi 18 katika kata ya Molenbeek.

Salah Abdeslam kwenye picha iliyorushwa na polisi wa Ubelgiji Novemba 17. AFP PHOTO / HO / FEDERAL POLICE OF BELGIUM

Abdeslam Salah, mtuhumiwa mkuu wa mashambulizi ya Novemba 13 mjini Paris, amefanyiwa uchunguzi Jumatano hii, kuhusu hasa kosa la mauaji yenye uhusiano ya kundi la kigaidi na kushirikiana na wahalifu, mwanasheria wake Frank Berton na mwendesha mashitaka wa mji wa Paris wametangaza.

Anashitakiwa kwa kosa la mauaji na jaribio la mauaji kwa kundi lililoandaliwa katika uhusiano na kundi la kigaidi, kushiriki katika kundi la wahalifu kwa lengo la maandalizi ya uhalifu mmoja au zaidi kwa usalam wa raia, na majaribio ya mauaji kwa kundi lililoandaliwa dhidi ya watu waliopewa mamlaka ya umma, mwendesha mashitaka wa mji wa Paris, François Molins, amesema katika taarifa yake.

Pia amefanyiwa uchunguzi kuhusu mashitaka ya "kubomoa", katika mashambulizi dhidi ya ukumbi wa tamasha wa Bataclan, kumiliki vitu vya hatari au vilipuzi, na kumiliki silaha, vyote katika kundi lililoandaliwa na kuwa na uhusiano na kundi la kigaidi.

"Salah Abdeslam amewekwa rumande kwa muda katika eneo la Fleury-Mérogis. Na tayari amepelekwa eneo hilo. Jaji amemueleza kuwa atatengwa wafungwa wengine katika jela hilo," mwanasheria wake Frank Berton amebainisha.

"Kwa sasa (amesema kwamba) atataka asalie kimya, na huenda akajieleza baadaye na amechoka kutokana na safari aliyoifanya kutoka Ubelgiji," mwanasheria amesema, na kuongeza kuwa "atahojiwa Mei 20 katika undani wa kesi hiyo. "

Mashambulizi yaliotokea tarehe 13 Novemba katika mji wa Paris na Saint-Denis yaligharimu maisha ya watu 130 na wengine wengi kujeruhiwa.

                                       Magaidi wa mashambulizi ya Ufaransa

Kutoka kushoto kwenda kulia, juu hadi chini: Abdelhamid Abaaoud, Salah Abdeslam, Mohammed Merah, Chérif na Saïd Kouachi pamoja na Khaled Kelkal. DR

Kuhusu mada hiyo hiyo
 
Samahani, mwunganisho na sava umeshindikana