Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 07/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 08/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 08/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Ulaya

François Hollande ziarani Marekani

media François Hollande njiani kuelekea Marekani kwa mazungumzo na Barack Obama. AFP PHOTO / POOL / STEPHANE DE SAKUTIN

Rais wa Ufaransa François Hollande anaelekea nchini Marekani leo Jumanne kukutana na mwenyeji wake rais Barrack Obama kujadiliana mbinu za kupambana na ugaidi duniani baada ya shambulizi la jijini Paris.

Ziara hii inakuja baada ya Waziri mkuu wa Uingereza David Cameron kuzuru Paris Jumatatu wiki hii na kufanya mazungumzo na Rais Hollande na kuahidi kuwa nchi yake itashirikiana na Ufaransa kupambana na ugaidi.

Rais Hollande pia atazuru Urusi kwenda kukutana na rais Vladimir Putin na baadaye Ujerumani kuzungumza na Kansela Angela Merkel.

Lengo ni kutafuta muungano wa kupambana na Islamic State magaidi wanaoendelea kutishia usalama wa dunia.

Wakati huo huo Marekani imetoa tangazo kwa raia wake kuwa makini wanaposafiri katika nchi mbalimbali duniani kutokana na ongezeko la mashambulizi ya kigaidi.

Tahadhari hii itasalia hadi tarehe 24 mwezi Februari mwaka ujao.

Hatua hii inakuja baada ya mashambulizi ya Islamic State nchini Ufaransa wiki mbili zilizopita, mashambulizi ya mara kwa mara ya Boko Haram, Al Shabab na yale ya Al Qaeda Kaskazini mwa Afrika.

Marekani imesisitiza kuwa raia wake wanaozuru Ubelgiji kuwa makini kutokana na wasiwasi wa kutokea kwa mashambulizi katika jiji la Brussels.

Kuhusu mada hiyo hiyo
 
Samahani, mwunganisho na sava umeshindikana