Emmanuel Macron na Abdallah II kuzungumzia kuhusu mzozo kati ya Israel na Palestina
Rais wa Ufaransa alishiriki katika mkutano wa kikanda siku ya Jumanne unaolenga kuimarisha utulivu nchini Iraq baada ya karibu miongo miwili ya vita. Emmanuel Macron anaanza Jumatano hii sehemu ya masuala yanayohusu nchi mbili na itakuwa suala hasa la mzozo kati ya Israeli na Palestina.
Imechapishwa:
Migogoro katika eneo hilo bado itakuwa kiini cha majadiliano yake, na ukurasa mdogo wa kihistoria vile vile tangu Emmanuel Macron alianza na sehemu nyepesi ya ziara hii: kutembelea eneo la Jerash, mojawapo ya maeneo maarufu ya kale ya nchi hii na yaliyohifadhiwa vizuri ambapo wanaakiolojia wa Ufaransa hufanya kazi. Hatua ambayo imezua gumzo kwa hotuba ya rais wa Ufaransa siku ya Jumanne kwenye mkutano wa kikanda, ambaye aliashiria jukumu kuu la kanda katika historia ya ubinadamu.
Ni tovuti ya pili nchini Jordan baada ya Petra.
Emmanuel Macron kisha atakutana na mfalme huko Amman. Masuala mawili makuu yanapaswa kuwa kiini cha majadiliano: mapambano dhidi ya ugaidi katika Mashariki ya Kati kwanza. Jordan ni mshirika wa Ufaransa na Paris ina kambi ya jeshi la anga nchini humo ambako inaendesha operesheni zake dhidi ya makundi ya kijihadi.
Na kisha Mfalme wa Jordan pia anatarajiwa kuzungumzia mzozo wa Israel na Palestina, kwani serikali yenye misimamo mikali zaidi ya mrengo wa kulia katika historia ya Israel inatarajiwa kuchukua madaraka saa chache zijazo. "Siku zote ni kipaumbele kwetu," waziri wa mambo ya nje wa Jordan alisema siku ya Jumanne. Na Jordan haifichi wasiwasi wake juu ya kuzorota kwa hali, "hali ya sitofahamu" machoni pa Amman.
Misimamo ya kisiasa ya serikali ya Israel inatia wasiwasi
Jordan inapaswa kuomba kujitolea kwa nguvu kutoka kwa Ufaransa katika suala ambalo Emmanuel Macron alikuwa mwangalifu wakati wa muhula wake wa kwanza wa miaka mitano, amebainii Jean-Paul Chagnollaud, rais wa Taasisi ya Utafiti na Mafunzo ya Mediterania Mashariki yaKati (liReMMO).
"Kwa bahati mbaya, inazungumzwa tu juu ya swali la Wapalestina wakati kunaripotiwa machafuko, tunapohisi kuwa kuna kitu kibaya kinatokea, basi hapo, ni wazi tunalazimika kuingilia kati, na ndivyo itakavyotokea. Hapana shaka kwamba hili litajadiliwa wakati wa mkutano wa Abdallah II wa Jordan na mwenzake wa Ufaransa Emmanuel Macron, kwa sababu hakika kuna hofu nyingi. Na cha kufurahisha ni kwamba unaposoma habari kwa vyombo vya habari vya Marekani, na msimamo wa utawala wa Marekani, vinaweka shinikizo kubwa kwa serikali ya Israel hivi leo, kwa sababu wanatambua kwamba misimamo na sera za kiitikadi ambazo ni za sehemu fulani ya serikali, ikiwa sio serikali nzima, inatia wasiwasi sana. "
Mkuu wa iReMMO, anasema ni ukiukaji wa sheria za kimataifa ambao utaendelea na kuongezeka na ambao Ufaransa italazimika kujiweka kwa uthabiti zaidi: "Kwa sababu ninaamini ni kwa maslahi ya kila mtu, ikiwa ni pamoja na kutoka Israel. Kwa vyovyote vile, kwanza kabisa, nia ya amani, vinginevyo hakika tutakuwa na misiba katika nyakati zijazo. Unapofikiri kwamba mhusika ambaye ndiye aliyekuwa "akiwawinda Waarabu", wiki chache zilizopita, anakuwa Waziri wa Polisi na Usalama wa Taifa, kila kitu kinasemwa katika kile kinachowezekana kutokea. "