Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 17/08 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 17/08 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 17/08 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Siasa - Uchumi

Mawaziri wa fedha na utengamano kutoka Afrika wakutana Yaounde

media Mji mkuu wa Cameroon, Yaoundé, ambako kunafanyika mkutano wa mawaziri wa fedha na utangamano wa kikanda kutoka nchi wanachama za Umoja wa Afrika. (Picha ya kumbukumbu) Tim E. White/Getty Images

Mkutano wa mawaziri wa fedha na utangamano wa kikanda kutoka nchi wanachama za Umoja wa Afrika unang’oa nanga hivi leo jijini Yaounde, Cameroon wakati huu nchi wanachama zikizidisha kasi katika utekelezaji wa miradi ya kimkakati kwa bara hilo.

Mkutano huu ambao ni watatu kufanyika, unawakutanisha mawaziri kutoka kwenye nchi wanachama za Umoja wa Afrika, wakurugenzi wa taasisi za kifedha, wadau kutoka sekta binafsi na vyombo vya habari.

Mawaziri hawa pamoja na wataalamu mbalimbali wa masuala ya fedha, uchumi na mipango, watajadiliana kuhusu namna bora ya kuhuisha sera za nchi wanachama kwaajili ya kuongeza uzalishaji wenye tija kwa bara la Afrika.

Mbali na kujadili masuala ya kisera, mawaziri hawa pia, wataangazia kwa kina mchango wa utangamano wa kikanda na sekta binafsi katika kuongeza uzalishaji ili kutengeneza soko lenye ushindani kwa bidhaa kutoka barani Afrika.

Wataalamu wanasema kuwa licha ya uchumi wa bara la Afrika kuimarika katika kipindi cha miongo miwili iliyopita, bara hili bado linakabiliwa na hali duni ya uzalishaji kwa kutegemea kuuza bidhaa zisizokuwa na thamani hali ambayo haitoi majibu kwa tatizo la ajira na mapambano dhidi ya umasikini.

Katika ripoti yake ya mwaka jana kuhusu maendeleo ya bara hilo, Umoja wa Afrika ulisema licha ya kuwa bara hili lina utajiri mkubwa wa rasilimali kama vile, mafuta, gesi na madini, bado linaorodheshwa kuwa miongoni mwa kanda masikini.

Hivi karibuni mwenyekiti wa Umoja wa Afrika aliyemaliza muda wake rais wa Rwanda Paul Kagame, aliwataka viongozi wenzake kuongeza kasi ya utekelezaji wa itifaki mbalimbali walizoridhia, huku akisisitiza nchi wanachama kutoa kipaumbele katika matumizi ya TEHAMA akisisitiza ndio njia pekee ya kulikwamua bara la Afrika kimaendeleo.

Kauli mbiu ya mkutano wa mwaka huu ni “Sera bora kwa uzalishaji wenye tija”.

Kuhusu mada hiyo hiyo
 
Samahani, mwunganisho na sava umeshindikana