Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 21/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 21/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 21/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Siasa - Uchumi

Washington yaendelea na mazungumzo na Beijing kuhusu biashara

media Biashara ya nyasi kati ya Umoja wa Mataifa na China, ambayo huingiza mabilioni ya dola kwa mwaka. Getty Images/Echo

Utawala wa Donald Trump umeongeza juhudi katika mazungumzo yake na China katika masuala ya biashara, kwa mujibu wa Mshauri Mkuu wa masuala ya uchumi katika ikulu ya White House, Larry Kudlow.

Larry Kudlow amebaini kwamba mwaliko kwa duru mpya ya mazungumzo ulitumwa kwa China.

Washington "ilipokea taarifa kuwa wawakilishi wa juu wa serikali ya China walikua wanataka kuendelea na mazungumzo," alisema Jumatano jioni wiki hii katika mahojiano ya televisheni na Fox Business Network.

"Waziri wa Fedha Steve Mnuchin, ambaye anaongoza ujumbe katika mazungumzo na China, alituma mwaliko," Larry Kudlow ameongeza.

Kauli hii ya viongozi wa Marekani inakuja wakati juma lililopita Donald Trump alisema yuko tayari kutoza kodi dola bilioni 267 (sawa na euro bilioni 230) ya bidhaa kutoka China ikiwa ni pamoja na dola bilioni 200 ambazo atatangaza hivi karibuni.

Rais wa Marekani tayari aliweka ushuru wa 25% kwa dola bilioni 50 za bidhaa za China, hasa kwa mashine na vifaa vya kielektroniki.

Mapema wiki hii maafisa wawili walio na taarifa rasmi kuhusu hali hiyo walitangaza kwamba Steve Mnuchin na wawakilishi kadhaa wa Marekani walituma mwaliko kwa wenzao kutoka China kushiriki kwa duru mpya ya mazungumzo, ambayo yatakuwa ni ya kwanza tangu yale yaliyofanyika mwishoni mwa mwezi Agosti ambayo hayakuzaa matunda yoyote.

Kuhusu mada hiyo hiyo
 
Samahani, mwunganisho na sava umeshindikana