Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 20/07 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 20/07 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 20/07 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Michezo

Cameroon walivyoshinda taji la AFCON 2017

media Mabingwa wa taji la AFCON mwaka 2017 RFI/Pierre René-Worms

Cameroon ndio mabingwa wapya wa soka baina ya mataifa ya bara Afrika.

Hii ilikuja mwishoni mwa wiki iliyopita, baada ya kuifunga Misri mabao 2-1 katika fainali ya makala ya 31 ya michuano ya AFCON mwaka 2017  iliyomalizika katika uwanja wa l'Amitie jijini Libreville nchini Gabon.

Cameroon ilitoka nyuma na kupata ushindi huo muhimu ambao sasa umewapa ufalme wa soka barani Afrika na kuwapa rekodi ya kunyakua taji hili kwa mara ya kwanza baada ya kulisubiri miaka 15.

Ni ushindi ambao umeifanya Cameroon kuweka historia ya kushinda taji hili sasa mara tano mwaka 1984, 1988, 2000, 2002 na 2017.

Misri ilianza vema mchuano huo wa fainali baada ya kupata bao la mapema kupitia mshambuluaji wake Mohamed Elneny katika dakika ya 22 ya mchuano huo.

Hata hivyo, furaha ya Misri haikudumu muda mrefu baada ya Nicolas Nkoulou, kuisawazishia Cameroon katika dakika ya 59 ya kufanya timu zote kutoshana nguvu katika kipindi cha pili.

Juhudi za Misri kupenya na kupata bao katika ngome ya Cameroon zilishindikana na kuacha mambo kuendelea kuwa sare kuelekea katika dakika za lala salama za mchuano huo.

Dakika mbili kabla ya kukamilika kwa muda wa kawaida, Cameroon kupitia mchezaji wake Vincent Aboubakar, aliwanyanyua mashabiki wa nchi yake kwa kufunga bao la ushindi katika dakika 88 na kuwamaliza nguvu mashabiki na wachezaji wa Misri.

Refarii kutoka Zambia Janny Sikazwe alipopuliza kipenga cha mwisho, ilikuwa ni furaha kubwa kwa wachezaji na mashabiki wa Cameroon waliofurika uwanjani baada ya kubaini kuwa wao ni mabingwa.

Ushindi huu wa Cameroon umekuwa kama wa kulipiza kisasi cha mwaka 2008, wakati Misri ilipoishinda kwa bao 1-0 nchini Ghana.

Mashabiki wa Cameroon barani Afrika na hasa jijini Yaounde wameendelea kusherehekea ushindi huu wakisubiri kikosi cha taifa kurejea nyumbani.

Kuhusu mada hiyo hiyo
 
Samahani, mwunganisho na sava umeshindikana