Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 25/05 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 24/05 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 25/05 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Michezo

Mabingwa watetezi Ivory Coast waondoka Gabon mikono mitupu

media Mshambuliaji wa Ivory Coast Wilfried wakati wa mchuano dhidi ya Morocco Pierre René-Worms / RFI

Mabingwa watetezi wa taji la soka barani Afrika, Cote Dvoire, wameondolewa katika makala ya 31 ya michuano ya AFCON inayoendelea nchini Gabon.

Haya ni matokeo mabaya kwa wafalme hawa soka barani Afrika, baada ya kuondolewa katika hatua ya makundi siku ya Jumanne, bila ya kupata ushindi wowote katika kundi C.

Matumaini ya Ivory Coast yalididimia baada ya kukubali kipigo cha bao 1-0 dhidi ya Morocco katika mchuano muhimu wa mwisho katika kundi hilo na kupoteza alama tatu muhimu.

Katika mechi tatu ilizocheza, ilitoka sare ya kutofungana na Togo, lakini baadaye ikatoka sare nyingine ya mabao 2-2 na Jamhuri ya Kidemokrasia ya Congo.

Matokeo haya yameleta huzuni kubwa kwa mashabiki wa soka nchini Ivory Coast ambao walikuwa na matumaini makubwa kuwa kikosi cha kingerudi jijini Abidjan na kombe hili.

Aidha, ni pigo kubwa kwa serikali iliyotumia fedha nyingi, Dola Milioni 6 kukiandaa kikosi hiki na kuwalipa marupurupu wachezaji wa timu ya taifa soka.

Morocco wanaofunzwa na kocha wa zamani wa Ivory Coast Mfaransa Herve Renard walikwenda katika mchuano huu wakiwa na matumaini na nidhamu ya hali ya juu kutafuta ushindi dhidi ya wapinzani wao.

Bao la Rachid Alioui katika dakika 64 lilitosha kuwafurusha virago Morocco ambao wamefuzu katika hatua ya robo fainali.

Morocco sasa itacheza na mshindi wa kundi D, kati ya Ghana na Misri.

Kuhusu mada hiyo hiyo
 
Samahani, mwunganisho na sava umeshindikana