Pata taarifa kuu
PARALYMPIC-RIO

PARALYMPIC; Wanariadha wenye ulemavu nchini Urusi kujua hatma yao

Nchi ya Urusi, juma hili itajua hatma yake ikiwa wanamichezo wake wenye ulemavu wataruhusiwa kushiriki kwenye michezo ya Paralympic mjini Rio, Brazil, itakayoanza mwezi ujao.

Mchezaji wa Urusi akiwa ameinama akifanya sala baada ya kushinda medali kwenye michezo ya Olimpiki ya Rio, iliyomalizika mwishoni mwa juma
Mchezaji wa Urusi akiwa ameinama akifanya sala baada ya kushinda medali kwenye michezo ya Olimpiki ya Rio, iliyomalizika mwishoni mwa juma REUTERS/Toru Hanai
Matangazo ya kibiashara

Mahakama ya kimataifa ya michezo, Cas, inatarajiwa kutoa uamuzi kuhusu rufaa iliyokatwa na nchi ya Urusi, ikipinga uamuzi wa kamati ya Olimpiki ya watu wenye ulemavu iliyowazuia wanamichezo wake wote kushiriki michezo ijayo.

Shirikisho la kamati ya olimpiki kwa watu wenye ulemavu IPC, lilichukua uamuzik wa kuwafungia wanamichezo wote wa Urusi, baada ya kuchapishwa kwa ripoti ya McLaren iliyoonesha usaidizi wa Serikali kuwafanya wanariadha wake wasichukuliwe vipimo kubaini ikiwa wanatumia dawa za kusisimua misuli au la.

Michezo ya olimpiki kwa watu wenye ulemavu inatarajiwa kuanza kutimua vumbi kuanzia September 7 mwaka huu.

Uamuzi wa IPC ulienda sambamba na ule wa kamati ya kimataifa ya Olimpiki, IOC, ambayol iliamua baadae kutowafungia kabisa wanamichezo wa Urusi na baadhik yao waliruhusiwa kushiriki.

Hata hivyo kamati ya kimataifa ya Olimpiki imejikuta ikikosolewa pakubwa kutokana na kile kinachosemwa kuwa kamati hiyo ilidharau na kukacha mapendekezo ya shirika la kimataifa linalosimamia matumizi ya dawa za kusisimua misuli, Wada.

Katika uamuzi wake, IOC, ilitoa mamlaka kwa mashirikisho mbalimbali ya michezo kuamua nik wanariadha wapi wa Urusi wataruhusiwa na wale ambao hawataruhusiwa ambapo baadae kamati ya IOCm ndio ilikuwa mwamuzi wa mwisho.

Mwisho wa siku zaidi ya wanariadha 270 wa Urusi waliruhusiwa kushindana kwenye michezo ya Olimpiki iliyomalizika mwishoni mwa juma, ambapo Urusi ilijinyakulia medali 56 kwa ujumla.

Kusambaza :
Ukurasa haipatikani

Maudhui unayojaribu kuyatafuta hayapatikani kwa sasa au yamekwishaondolewa.