Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 07/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 08/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 08/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Mashariki ya Kati

Maandamano Iraq: waandamanaji wanane wauawa wakati wa makabiliano Baghdad

media Vijana wakiandamana katika mitaa ya Baghdad, Oktoba 4, 2019. REUTERS/Alaa al-Marjani

Waandamanaji wanane wameuawa katika makabiliano mapya jana Jumapili na vikosi vya usalama jijini Baghdad, siku ya sita ya maandamano yaliyogubikwa na vurugu ambao zimesababisha watu zaidi ya100 kupoteza maisha na maelfu kujeruhiwa nchini Iraq.

Makabiliano haya yalitokea licha ya serikali kutangaza hatua kadhaa za kijamii kujibu madai ya waandamanaji wanaotaka serikali kujiuzulu.

Waandamanaji wanashtumu serikali kujihusisha na ufisadi, na kufanya mageuzi ya kiuchumi bila kuzingatia maslahi ya wananchi.

Kwa mujibu wa vyanzo vya usalama, makabiliano kati ya waandamanaji na polisi yalizuka katika mji wa Sadr, ngome ya kiongozi wa Kishia Moqtada Sadr ambaye Ijumaa aliitaka serikali kujiuzulu. Waandamanaji wanane waliuawa, polisi na vyanzo vya hospitali vimesema.

Wakati wa makabiliano, milio ya risasi ilisikika, huku waandamanaji wakichoma matairi na kurusha vifaa vya moto kwa vikosi vya usalama, mashahidi wamesema.

Kulingana na ripoti ya hivi karibuni iliyotolewa na msemaji wa Wizara ya Mambo ya Ndani, watu 104, ikiwa ni pamoja na askari wanane, wameuawa na zaidi ya 6,000 kujeruhiwa tangu kuibuka kwa maandamano ya Jumanne. Wengi wa waliouawa ni waandamanaji, ambao wengi wao waliuawa kwa kupigwa risasi, kulingana na vyanzo vya hospitali.

Haijulikani wazi ikiwa watu hao wanane waliouawa Jumapili usiku wamejumuishwa kwenye iadai iliyotoleawa na Wizara ya Mambo ya Ndani.

Kuhusu mada hiyo hiyo
 
Samahani, mwunganisho na sava umeshindikana