Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 24/08 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 24/08 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 23/08 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Mashariki ya Kati

UNRWA yaahidiwa dola milioni 110

media Wakaazi wa mji wa Gaza wakipewa chakula katika mfungo wa mwezi mtukufu wa Ramadhan, Mei 9, 2019. REUTERS/Mohammed Salem

Shirika la misaada la umoja wa mataifa kwa wakimbizi wa Palestina (UNRWA), linaendelea kukusanya fedha licha ya dola milioni 110 ambazo limeahidiwa.

Wafadhili wameahidi kuchangia kiasi cha dola milioni 110 katika Shirika la Umoja wa Mataifa linalowahudumia Wakimbizi wa Palestina (UNRWA), na kuliwezesha shirika hilo kuenedelea na kazi yake katika Ukingo wa Magharibi na maeneo mengine ya Palestina.

Hata hivyo Kamishna Mkuu Pierre Krahenbuhl amesema akiwa mjini New York, kwamba fedha hizo hazitotatua changamoto wanayoikabili lakini zitasaidia kuendeleza huduma za UNRWA kwa miezi kadhaa.

"Hafla nyingine ya kukusanya fedha kutoka kwa wafadhili itafanyika pembezoni mwa Mkutano wa Baraza Kuu la Umoja wa Mataifa mnamo mwezi Septemba", ameongeza Pierre Krahenbuhl .

Mwaka jana, Marekani iliamua kusitisha kufadhili mipango yake iliyokuwa ikiwasaidia Wapalestina milioni 5, na hivyo kuingiza katika hali ngumu ya kifedha shirika la UNRWA.

Wakati huo huo mkwe wa rais wa Marekani Donald Trump amewasilisha mpango wake wa kiuchumi unaokusudia kuwaletea mafanikio raia wa Palestina. Mpango huo wa Kiuchumi wa Mashariki ya Kati, uliopewa jina la "Amani hadi Mafanikio" umewasilishwa na Jared Kushner katika mkutano wa siku mbili ulioanza jana, kuhusu maendeleo ya kiuchumi ya Wapalestina unaofanyika mjini Manama, Bahrain.

Hata hivyo Chama cha Ukombozi wa Wapalestina (PLO) kimeuelezea mpango huo kuwa ni wenye ahadi zisizokuwa na uhalisia.

Kuhusu mada hiyo hiyo
 
Samahani, mwunganisho na sava umeshindikana