Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 18/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 18/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 18/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Mashariki ya Kati

Mauaji ya Khashoggi: Maafisa 18 wa Saudia wawekewa marufu ya kuingia Ujerumani

media Saudi Arabia inaendelea kukabiliwa na vikwazo kufuatia mauaji ya mwandishi na mkosoaji wa utawala wa Mfalme Salman, Jamal Khashoggi, aliyeuawa katika ubalozi mdogo wa Saudia Uturuki. REUTERS/Simon Dawson

Ujerumani imeamuru kuwawekea marufuku maafisa 18 wa Saudi Arabia kuingia nchini humo. Ujerumani inawashtumu maafisa hao kuhusika katika mauaji ya mwandishi na mkosoaji mkubwa wa utawala wa Mfalme wa Saudi Arabia, Jamal Khashoggi katika ubalozi mdogo wa nchi hiyo katika mji wa Istanbul, nchini Uturuki.

Uamuzi huu wa mamlaka ya Ujerumani ni pamoja na vikwazo vya silaha vilivyowekwa na Berlin kuhusu mauzo ya silaha kwa Saudi Arabia kwa kusubiri ufafanuzi zaidi wa mazingira ya mauaji hayo.

Msimamo wa Ujerumani hauhusu nchi 25 wanachama wengine wa eneo la Schengen ambao wanaendelea kudhibiti mipaka yao.

Hata hivyo, Ujerumani inatarajia kuhimiza Umoja wa Ulaya kuchukuwa vikwazo zaidi dhidi ya utawala wa Saudi Arabia.

"Sisi tunashirkiana kwa karibu na marafiki zetu Ufaransa na Uingereza na tuliamua kuweka katika mfumo wa Schengen alama ya marufu mbele ya majina yao," amesema Christofer Burger, msemaji wa Wizara yaMambo ya Nje ya Ujerumani.

Ufaransa ni sehemu ya eneo la Schengen lakini Uingereza haimo.

Maafisa 15 wa timu ambayo ilikwenda Istanbul kwa mauaji ya Jamal Khashoggi wako kwenye orodha hiyo pamoja na watu wengine watatu wanaoshukiwa kuwa walipanga mauaji hayo. Majaina yao hayakuwekwa wazi.

Msemaji wa Wizara ya Mambo ya Ndani ameongeza kuwa marufuku itatumika kwa wamiliki wa pasipoti za kidiplomasia wanazotumia wengi kati ya familia ya kifalme nchini Saudi Arabia.

Christofer Burger alikataa kusema chochote kuhusu ripoti katika vyombo vya habari vya Marekani kwamba shirika la ujasusi la Marekani (CIA) liliweza kuhitimisha kuwa mauaji ya Khashoggi yalifadhiliwa moja kwa moja na Mwanamfalme Mohammed bin Salman.

Mahakama ya Saudi Arabia ilisema wiki iliyopita kuwa Mwanamfalme Mohammed bin Salman, ambaye ndiye mtawala wa ufalme, hakuhusika katika mauaji ya Khashoggi.

Msemaji wa Wizara ya Uchumi ya Ujerumani amesema kuwa vikwazo vya sialaha dhidi ya utawala wa kifame wa Saudi Arabia vitaendelea kutumika. "Hakuna mauzo ya silaha kutoka ya silaha kutoka Ujerumani kwenda Saudi Arabia kwa sasa," amesema.

Kuhusu mada hiyo hiyo
 
Samahani, mwunganisho na sava umeshindikana