Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 15/11 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 15/11 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/11 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Mashariki ya Kati

Mjumbe maalum wa Umoja wa Mataifa kwa Syria Staffan de Mistura aachia ngazi

media Baada ya miaka minne na miezi minne, Staffan de Mistura anajiuzulu kwenye nafasi ambayo baadhi wanaona kama "kazi ngumu zaidi duniani". Fabrice COFFRINI / AFP

Mjumbe wa Umoja wa Mataifa nchini Syria Staffan de Mistura ametangaza kuwa atajiuzulu kufikia mwisho wa mwezi Novemba. Mistura ambaye ana umri wa miaka 71, anakuwa mjumbe wa tatu kujiuzulu kuhusu vita vya Syria.

De Mistura, ameliambia Baraza la Usalama la Umoja wa Mataifa kuwa, baada ya kuhudumu katika nafasi hiyo kwa zaidi ya miaka minne sasa kuwa ameona vema aachane na kazi hiyo ngumu ya kusaidia kurejesha amani nchini Syria kutokana na vita vya miaka saba ambavyo hadi sasa haijafahamika vitaisha lini.

Lakini katika mkutano na waandishi wa habari mjini New York, De Mistura amesema anajiuzuku ili awe na muda na familia yake.

"Sababu za kibinafsi za kujiuzulu si afya, ni familia kimsingi. Mimi ni mzima sina neno na hata sijachoka, kwa sababu kazi hii imekuwa ikinitia tumbo joto," amesema de Mistura .

De Mistura ndiye mpatanishi aliyehudmu kwa muda mrefu zaidi kati ya wapatanishi watatu wa Umoja wa Mataifa waliohudumu wakati wa zaidi ya miaka saba ya mzozo wa Syria. Watangulizi wake, katibu mkuu wa zamani wa Umoja wa Mataifa, marehemu Kofi Annan na mwanadiplomasia mkongwe kutoka Algeria Lakhdar Brahimi, wote walijiuzulu baada ya kukatishwa tamaa kutokana na mkwamo wa kimataifa kuhusu jinsi ya kuvifikisha mwisho vita nchini Syria

De Mistura, raia wa Italia mwenye asili ya Uswisi alisisitiza umuhimu wa kuhakikisha mchakato wa kisiasa unaendelea nchini Syria.

Watu wanaofikriwa huenda wakajaza pengo litakaloachwa na de Mistura ni mjumbe wa Umoja wa Mataifa nchini Iraq, Jan Kubis, waziri wa zamani wa mambo ya nje wa Algeria, Ramtane Lamamra, mjumbe wa Umoja wa Mataia kwa ajili ya Mashariki ya Kati, Nickolay Mladenov na balozi wa Norway nchini China, Geir Pedersen.

Kuhusu mada hiyo hiyo
 
Samahani, mwunganisho na sava umeshindikana