Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 16/10 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 16/10 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 15/10 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Mashariki ya Kati

Raia wasusia uchaguzi Lebanon

media Kura zimeanza kuhesabiwa. Hapa ni katika kituo cha kupigia kura huko Beirut, Mei 6, 2018. REUTERS/Mohamed Azakir

Lebanon ilifanya uchaguzi wake wa kwanza wa wabunge siku ya Jumapili Mei 6 baada ya karibu miaka kumi, kura ambayo iliitikiwa na watu wachache na huenda matokeo ya uchaguzi yakapelekea vyama vikuu mbalimbali kuagawana madaraka.

Vituo vya kupigia kura vilifungwa saa moja usiku, saa za nch hiyo. Kwa jumla ya wapiga kura milioni 3.7, asilimia 49.2 pekee ndio walipiga kura, dhidi ya 54% mwaka 2009, Waziri Mambo ya Ndani, Nohad Machnouk, alisema jana jioni.

Raia walisusia uchaguzi huo wakati ambapo sheria mpya ya uchaguzi inayohusu uwiano iliyopitishwa mwaka jana na kwamba wapiga kura wapya wapatao 800,000 walipaswa kupiga kura. "Sheria hii ilitarajiwa kuwa ingelipelekea kiwango cha ushiriki kuwa juu zaidi kuliko mwaka 2009," alisema Machnouk.

Lakini "wapiga kura na viongozi wa vituao vya kupigia kura bado hawajazoea sheria hii mpya, hali ambayo imesababisha kupungua kwa kasi mchakato wa kupiga kura," aliongeza.

Zoezi la kuhesabu kura ilianza mapema jioni lakini matokeo ya mwisho yanatarajiwa kujulikana kabla ya Jumatatu wiki hii.

Kwa mujibu wa wataalamu, matokeo ya uchaguzi hayapaswi kushangaza wengi, na bunge, lenye wajumbe 128, litatawaliwa na vyama vya jadi, ikiwa ni pamoja na chama kikuu cha Hezbollah, mshirika wa Syria na Iran.

"Hezbollah ina nafasi kubwa ya kuwa na ushawishi mkubwa katika kufanya maamuzi lakini itategemea ushirikiano wake na vyama vingine" mchambuzi wa kisiasa, Karim el-Mufti, ameliambia shirika la habari la AFP.

Kwa upande wa Waziri Mkuu kutoka dhehebu la Sunni, Saad Hariri, anayeungwa mkono na Saudi Arabia, chama chake cha kisiasa "kinaweza kupoteza viti vichache, lakini nafasi yake haikabiliwi na tishio lolote," ameongeza mchambuzi huyo.

Kuhusu mada hiyo hiyo
 
Samahani, mwunganisho na sava umeshindikana