Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 12/11 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 12/11 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 12/11 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Mashariki ya Kati

Trump: Nitatumia nguvu kujibu shambulio la kemikali Syria

media Rais wa Marekani ameionya Syria, akisema kuwa "watatumia nguvu" kujibu madai ya shambulio la kemikali nchini Syria. REUTERS/Yuri Gripas

Rais wa Marekani Donald Trump, katika mkutano na waandishi wa habari, ameapa " kutumia nguvu " kujibu madai ya shambulio la kemikali linaodaiwa kutekelezwa katika mji wa Douma na majeshi ya Syria siku ya Jumamosi.

Kauli hii ya rais wa Marekani inakuja wakati ambapo mataifa kadhaa ya magharibi yakisema kuwa bado yanatafakari hatua watakayoichukua.

Mashahidi wanasema watu wengi waliuawa katika shambulio hilo, lakini idadi kamili haijathibitishwa.

Makadirio ya idadi ya watu waliouawa katika shambulio linaloshukiwa kuwa la kemikali ni kuanzia watu 42 hadi zaidi 60, lakini makundi ya kitabibu yanasema idadi hiyo inaweza kuongezeka baada ya wahudumu wa uokoaji kuweza kufika kwenye sehemu za chini za majengo ambako mamia ya familia walikuwa wamekimbilia kuepuka mashambulio ya mabomu.

Shambulio hili limeendelea kuzua sintofahamu kati ya nchi zenye nguvu duniani, ambazo kwa sasa zimegawanyika kuhusu vita vinavyoendelea nchini Syria.

Urusi imeendelea kuunga mkono utawala wa Bashar Al Assad na kushirikiana na majeshi ya Syria kwa kuendesha mashambulizi ya hapa na pale dhidi ya maeneo yanayodhibitiwa na waasi katika Ghouta ya mashariki.

Bw Trump amesema kuwa hatua ya kujibu shambulio hilo itaamuliwa katika kipindi cha "muda mfupi".

“Tuna njia nyingi za kijeshi, hatutashindwa kujibu, “ rais wa Marekani amesema katika mkutano na waandishi wa habari.

Shambulio hilo limezua mvutano katika Baraza la Usalama la Umoja wa Mataifa kati ya Marekani na Urusi.

Balozi wa Urusi katika baraza hilo Vassily Nebenzia, amesema shambulio hilo lilipangwa na kuionya Marekani kutothubutu kuchukua hatua za kijeshi dhidi ya Syria, akibaini kwamba hatua hiyo inaweza kuzua sintofahamu.

Kauli hiyo ya Urusi imepingwa vikali na Balozi wa Marekani kwenye Baraza la Uslama la Umoja wa Mataifa Nikki Haley, ambaye amesema kuwa wanaounga mkono jeshi la Syria, wana "damu ya watoto wa Syria " mikononi mwao.

Kuhusu mada hiyo hiyo
 
Samahani, mwunganisho na sava umeshindikana