Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 19/07 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 19/07 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 18/07 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Mashariki ya Kati

Palestina: Raia 7 wauawa na vikosi vya Israel Gaza

media Waandamanaji wa Kipalestina wakirusha mawe kuelekeza kwa askari wa Israel, Machi 30, 2018. REUTERS/Ibraheem Abu Mustafa

Raia 7 wa Palestina wameuawa na vikosi vya Israel kwenye eneo la ukanda wa Gaza wakati huu kukishuhudiwa makabiliano makali kwenye eneo la mpaka wa nchi hizo mbili.

Mahmoud Rahmi amekuwa raia wa 7 kuuawa baada ya kupigwa risasi wakati akiwa mstari wa mbele kukabiliana na askari wa Israel, haya yakiripotiwa kuwa makabiliano mabaya zaidi katika kipindi cha miaka ya hivi karibuni.

Kifo chake kimeripotiwa baada ya raia mwinhine Jihad Farina na Ahmed Ouda kuuawa kwa kupigwa risasi, imesema taarifa ya wizara ya afya.

Waandamanaji wengine watatu walipigwa risasi kwenye maandamano wakati mkulima mmoja aliuawa kwa kupigwa na roketi akiwa shambani kwake.

Maelfu ya waandamanaji wa Kipalestina walijitokeza kwenye mpaka wa nchi hiyo na Israel, maandamano ambayo awali kundi la Hamas linalokalia eneo hilo lilidai yatakuwa ya amani.

Kundi la waandamanaji wachache walijaribu kusogea kwenye eneo la mpaka lenye ulinzi mkali kwa lengo la kuangusha waya uliowekwa kuwazuia kabla ya wanajeshi wa Israel kutumia risasi za moto kuwatawanya.

Jeshi la Israel limesema kuwa waandamanaji walikuwa wakiwarushia mawe na mabomu ya kutengeneza kwa mkono hatua iliyowalazimu wanajeshi wake kujibu kwa risasi za moto.

Shirika la msalaba mwekundu la Palestina limedai kuwa jumla ya watu 200 walihudumiwa kwa majeraha ya risasi za moto.

Maandamano haya yamefanyika katika maadhimisho ya siku ya Ardhi ambayo ni kumbukumbu ya Machi 30, 1976 wakati raia 6 wa Kipalestina waliuawa na wanajeshi wa Israel wakati wa maandamano ya kupinga nchi hiyo kuchukua ardhi yao kwa nguvu.

Kuhusu mada hiyo hiyo
 
Samahani, mwunganisho na sava umeshindikana