Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 19/04 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 19/04 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 19/04 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Mashariki ya Kati

Malala Yousafzai azuru Pakistan kwa mara ya kwanza

media Msichana na mwanaharakati wa elimu na mshindi wa tuzo la Nobel, Malala Yousafzai. REUTERS/Darren Staples

Mshindi wa tuzo la Nobel Malala Yousafzai amerejea nchini Pakistan kwa mara ya kwanza tangu apigwe risasi na wapiganaji wa kundi la Taliban miaka 6 iliyopita kwa kuhamasisha wasichana kupata elimu.

Malala mwenye umri wa miaka 20 amefanya ziara ya kushtukiza akiwa na wazazi wake chini ya ulinzi mkali kwenye uwanja wa ndege wa Islamabad ambapo mitandao ya kijamii ilifurika salamu za pongezi huku baadhi wakimkosoa.

Malala anaheshimiwa kidunia kwa harakati zake lakini maoni yamegawanyika nchini Pakistan ambako baadhi ya watu wenye misimamo wanamuona kama kibaraka wa nchi za magharibi aliye katika misheni ya kuichafua nchi yao.

Mwanaharakti huyu wa elimu anatarajiwa kukutana na waziri mkuu Shahid Khaqan Abbas katika ziara yake ya siku nne nchini Pakistan.

"Atakutana na watu kadhaa akiwa hapa lakini ratiba yake haijawekwa wazi kwa sababu za kiusalama," amesema msemaji wa wizara ya mambo ya nje Muhammad Faisal.

"Tunamkaribisha Malala....amerudi nyumbani. Ni uelekeo chanya," alisema msemaji huyo akimuita Malala "mmoja wa wasichana wadogo na mwenye ujasiri," akiongeza kuwa wananchi wa Pakistana wanapaswa kumuheshimu.

Wakazi wengi wa bonde la Swat ambako Malala aliishi maisha yake yote kabla ya kushambuliwa na wapiganaji wa Taliban, wamefurahia ujio wake.

"Sikuwahi kufikiri kuwa anaweza kurejea tena," alisema Rida Siyal mwanafunzi ambaye amedai Malala alikuwa rafiki yake kabla ya shambulio la risasi.

Ahmad Shah ambaye amesema alikuwa rafiki wa baba yake amemuita Malala kama nembo ya ushujaam na kuongeza kuwa alitakiwa kurejea nyumbani mapema zaidi.

Malala amekuwa nembo ya dunia kwa harakati za kutetea haki za binadamu baada ya mpiganaji wa Taliban kushambulia basi lililokuwa limewabeba wanafunzi kwenye mji wa Swat Octoba 9, 2012, ambapo aliuliza Malala ni nani na kisha kumfyatulia risasi.

Kuhusu mada hiyo hiyo
 
Samahani, mwunganisho na sava umeshindikana