Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 25/06 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 25/06 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 25/06 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Mashariki ya Kati

Abbas kuzuru Urusi kupata uungwaji mkono dhidi ya Marekani

media Vladimir Putin na Mahmoud Abbas,wakati wa mkutano wao Sochi, Mei 11, 2017. REUTERS/Yuri Kochetkov/Pool

Rais wa Palestina Mahmoud Abbas anatarajiwa kufanya ziara ya kiserikali nchini Urusi leo Jumatatu, wiki mbili baada ya ziara ya Waziri Mkuu wa Israel Benjamin Netanyahu nchini humo.

Lengo la ziara ya Abbas nchini Urusi ni kuhakikisha anapata uungwaji mkono wa Urusi kutoka kwa vyadimir Putin dhidi ya Marekani kuitambua Jerusalem kama mji mkuu wa Israeli.

Awali mkutano wa viongozi hawa wawili uliopangwa kufanyika katika mji wa Sochi, utafanyika katika mji wa Moscow kwa sababu ya ajali ya ndege iliyoanguka na kuua watu 71 siku ya Jumapili karibu na mji mkuu wa Urusi, kwa mujibu wa ikulu ya Kremlin.

Ziara hii inakuja siku mbili baada ya mfululizo wa mashambulizi ya anga ya Israel dhidi ya maeneo kadhaa ya Syria na Iran katika kile kinachoelezwa na Israel kama ulipizaji kisasi, kutokana na ndege isio na rubani ya Iran iliyoingia kwenye anga yake.

Vladimir Putin na Benjamin Netanyahu walizungumza kwa simu baada yamashambulizi hayo. Rais wa Urusi alionya dhidi ya kutokea kwa hali ya "hatari" nchini Syria wakati ambapo Benjamin Netanyahu alisema kuwa Israeli "itaendelea kushambulia wale wote wanaojaribu kutushambulia au kutuvamia".

Mahmoud Abbas, ambaye anakataa mawasiliano yoyote na utawala wa Rais Donald Trump tangu Marekani kutambua Jerusalem kama mji mkuu wa Israel mwishoni mwa mwaka 2017, anatazamia kutoa hotuba yake mbele ya Baraza la Usalama la Umoja wa Mataifa tarehe 20 Februari.

Wapalestina wanaona kuwa uamuzi wa Marekani unapinga madai yao kuhusu Jerusalem ya Mashariki iliyovamiwa na kushikiliwa kimabavu na Wayahudi.

Akituhumiwa na balozi wa Marekani katika Umoja wa Mataifa, Nikki Haley, kutokua na utashi wa kufikia makubaliano ya amani na Israel, Abbas amekataa upatanishi wowote na Marekani katika kutatua mgogoro kati ya Israel na Palestina na ameahidi watu wake kuwa atafanya kilio chini ya uwezo wake ili taifa la Palestina litambuliwe na Umoja wa Mataifa.

Kuhusu mada hiyo hiyo
 
Samahani, mwunganisho na sava umeshindikana