Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 17/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 17/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 17/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Mashariki ya Kati

Mahakama yampa ahueni waziri mkuu wa Pakistan

media Reuters

Mahakama ya juu nchini Pakistan imetoa uamuzi kuwa hakukuwa na ushahidi wa kutosha kuhusu tuhuma za rushwa ambazo zingepelekea kuondolewa madarakani kwa waziri mkuu Nawaz Sharif kwenye nafasi yake.

Hata hivyo kwenye hukumu yake, mahakama hiyo imeagiza kufanyika kwa uchunguzi zaidi kuhusu namna fedha zilivyokuwa zikihamishwa.

Maswali yaliibuka kuhusu biashara za familia ya Sharif ambapo watoto wake wa tatu walihusishwa kwa kuwa na akaunti nje ya nchi kwenye nyaraka zilizovuja mwaka 2015 maarufu kama Panama Papers.

Waziri mkuu Sharif mwenyewe pamoja na familia yake wamekana kufanya makosa yoyote yaliyoashiria vitendo vya rushwa, wakihusisha kesi hii na wapinzani wao kisiasa.
Keso hii ilikuwa gumzo hivi karibuni nchini Pakistan wakati huu ambapo kulikuwa na utabiri kuwa uamuzi wa mahakama ungetoa hatima ya waziri mkuu Sharif.

Zaidi ya polisi elfu 1 na 500 walisambazwa kuzingira mahakama hiyo ya mjini Islamabad, huku waandamanaji waliokuwepo jirani wakitaka waziri mkuu Sharif ajiuzulu nafasi yake.
Hali ya masoko ya hisa nchini Pakistan iliimarika zaidi kutokana na uamuzi huu wa mahakama.

Mahakama ya juu ilikubali mwaka jana kufanyika uchunguzi wa akaunti na utaji alionao waziri mkuu Sharif nje ya nchi baada ya kinara wa upinzani Imran Khan kutishia kuitisha maandamano.

Kiini cha uchunguzi wenyewe kilikuwa ni kuhusu ununuzi wa mali iliyonunuliwa jijini London kwa kutumia akaunti za nje.

Mtoto wa kike wa Nawaz, Maryam anayetajwa kuwa mrithi wa siasa za baba yake na mtoto wake Hasan na Hussein wanahusishwa kwenye tuhuma hizi.

Waziri mkuu Sharif anasema utajiri wake umepatikana kihalali, lakini wakosoaji wake wanadai kampuni zake za nje ya nchi zimekuwa zikitumiwa kukwepa kodi.

Majaji wawili waliunga mkono waziri mkuuj Sharif kuondolewa madarakani lakini majaji wa tatu walikubaliana na kuagiza uchunguzi kufanyika.

Kuhusu mada hiyo hiyo
 
Samahani, mwunganisho na sava umeshindikana