Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 21/11 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 21/11 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 21/11 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Tume ya haki za binadamu ya Umoja wa Mataifa yalaani kitendo cha waziri wa Ufaransa kufananishwa na nyani

media Waziri wa Sheria wa Ufaransa, Christiane Taubira Reuters

Tume ya haki za binadamu ya Umoja wa Mataifa UN, hii leo imetoa tamko kulaani vikali baadhi ya wanasiasa na wananchi wa nchini Ufaransa, kumdhalilisha waziri wa sheria nchini humo mwenye asili ya watu weusi na kumfananisha na nyani.
 

Akizungumza na wanahabari, msemaji wa tume ya haki za binadamu ya umoja huo, Rupert Colville, amesema kuwa tume yake inalaani vikali matamshi ya baadhi ya wanasiasa wa Ufaransa hivi karibuni kumfananisha na nyani waziri wa sheria wa Ufaransa mwenye asili ya watu weusi, Christiane Taubira.

Colville, ameongeza kuwa kitendo kilichoshuhudiwa nchini Ufaransa, hakikubaliki kwenye jumuiya ya kimataifa na kinaonyesha jinsi gani vitendo vya ubaguzi wa rangi vinazidi kuongezeka hali inayowafanya wageni wengi kwenye mataifa ya ulaya wenye asili ya watu weusi kuhofia maisha yao.

Juma hili gazeti moja nchini Ufaransa la kila wiki lilichapisha picha ya waziri Toubira kwenye ukurasa wake wa mbele huku likimchora uso uliofanana na nyani likiwa na kichwa cha habari kinachosema hatimaye nyani amepata ndizi yake.

Kwenye utetezi wake wakuu wa gazeti hilo wamekataa kuomba radhi wakisema neno hilo kwa jamii ya watu wa Ufaransa linamaana mbili moja ikiwa ni mtu aliyejawa na furaha jambo ambalo tume ya haki za binadamu ya Umoja wa Mataifa UN inakataa.

Waziri Toubira amejikuta matatani na wananchi wa Ufaransa kufuatia hatua yake ya kupendekeza na kisha kupitishwa kwa muswada unaotambua ndoa za watu wa jinsia moja ambao uliungwa mkono na wabunge nchini humo.

Kwenye maandamano yao kupinga kupitishwa kwa sheria hiyo, waandamanaji walikuwa wamebeba ndizi na picha za kiongozi huyo akifananishwa na nyani wakimtaka aende akaishi msituni na sii kwenye jamii ya watu waliostaarabika.

 
Samahani, mwunganisho na sava umeshindikana