Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 25/09 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 25/09 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 25/09 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
Afrika

Hali ya utulivu yarejea mjini Asmara, Eritrea baada ya kikundi cha wanajeshi kuteka jengo la wizara ya habari

media Rais wa Eritrea, Issaias Afeworki Reuters

Hali ya utulivu imerejea mjini Asmara kufuatia siku ya Jumatatu kikundi cha wanajeshi kuteka jengo la wizara ya habari na kituo cha televisheni ya taifa kushinikiza kuachiliwa huru kwa wafungwa wakisiasa wanaoshikiliwa na Serikali.

 

Utulivu umerejea baada ya wanajeshi hao kuwa na mazungumzo ya muda mrefu na viongozi wa Serikali kuhusu madai yao ambapo wanaelekea kupata muafaka ili kuinusuru nchi hiyo kuingia kwenye machafuko.

Askari zaidi ya miambili walioasi nchini Eritrea wameendelea kushikilia ofisi ya wizara ya habari na baadhi ya ofisi nyingine za Serikali mjini Asmara wakitaka kufanyika mabadiliko ya kidemokrasia.

Licha ya kwamba hakukuwa na makabiliano yoyote ya risasi bado hofu imeendelea kutanda nchini humo ambapo wachambuzi wa mambo wameonya dhidi ya kufanyika mapinduzi nchini humo.

Mara baada ya kuteka majengo ya wizara hiyo wanajeshi hao pia waliteka kituo cha televisheni ya taifa nchini humo na kumuagiza mhariri wake kutoa tangazo kwa Serikali kutaka kuachiliwa huru kwa zaidi ya wafungwa 5000 wa kisiasa wanaoshikiliwa na Serikali.

Nchini hiyo imekuwa ikiongozwa na rais Isaias Afewerki kwa zaidi ya miongo miwili sasa toka ijipatie uhuru wake toka kwa majirani zao Ethiopia baada ya kupigana vita kwa muda mrefu.

Wanajeshi watiifu kwa Serikali walikuwa wamezunguka majengo ya wizara ya habari huku kukiwa na taarifa kuwa huenda ukawa sio mpango wa kutaka kuipindua Serikali bali ni kutaka kuachiliwa huru kwa wafungwa wa kisiasa wanaoshikiliwa na Serikali.

Muwakilishi wa Umoja wa Mataifa nchini Eritrea amesema kuwa wanajeshi hao hawajatumia risasi kuwatisha wananchi na kwamba hali ya usalama ni shwari nchini humo licha ya tukio ambalo limetokea na kwamba hali inatarajiwa kurejea kwenye utulivu hizi karibuni.

Katika siku za hivi karibuni jeshi la Eritrea limeshuhudia mgawanyiko mkubwa kufuatia kuibuka makundi yanayoiunga mkono Serikali na wale ambao wanataka kufanyika mabadiliko ya kidemokrasia nchini humo.

 
Samahani, mwunganisho na sava umeshindikana