Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 21/11 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 21/11 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 20/11 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Jaji Mkuu wa Kenya aishtumu serikali kwa kukwamisha shughuli za Mahakama

media Jaji Mkuu wa Kenya David Maraga, Novemba 04 2019 Kenya Judiciary

Jaji Mkuu wa Kenya David Maraga, amemshutumu rais Uhuru Kenyatta kwa kujaribu kudhibiti shughuli za Mahakama nchini humo.

Maraga ametoa kauli hii, baada ya serikali kuamua kuipunguzia bajeti ya fedha, suala ambalo amesema linatishia utendakazi wa muhimili huo muhimu, huku akihoji ni kwanini Mahakama inaingiliwa.

“Kila mtu asimamie jukumu lake, kwanini wanatupunguzia fedha ? Lengo ni kujaribu kuingilia majukumu yetu,” alisema Jaji Maraga.

Akionekana mwenye hasira wakati akizungumza na Wanahabari jijini Nairobi, Maraga amesema hatua ya Mahakama kutokuwa na fedha za kutosha, zimesababisha Majaji wa Mahakama ya rufaa, kushindwa kufanya kazi zao katika miji minne na hivyo kulazimika kusitisha vikao vyao.

“Iwapo bajeti haitaangaliwa upya, hatuna fedha za kununua mafuta kwa ajili ya nagari yanayowasafirisha Majaji, na inamaanisha kuwa hatutakuwa na kesi zitakazosikilizwa na Majaji wa Mahakama ya rufaa,” alisema.

“Mahakama maalum zinazoshughulikia kesi za ufisadi, zitasitisha shughuli zake,” aliongeza.

Jaji huyo ambaye pia ni rais wa Mahakama ya Juu nchini humo, ameapa kususia shughuli za kiserikali iwapo bajeti katika idara hiyo haitaangaliwa upya.

Wachambuzi wa siasa wanaona kuwa, idara ya Mahakama inapitia masaibu hayo baada ya rais Uhuru Kenyatta kuionya Mahakama mwaka 2017, wakati Mahakama ya Juu ilipofutilia mbali ushindi wake, baada ya Uchaguzi Mkuu.

 
Samahani, mwunganisho na sava umeshindikana