Kusikiliza Pakua Podcast
  • Sikiliza taarifa za habari zilizopita 04h30 - 05h00 TU
    Uchambuzi na makala 07/12 04h30 GMT
  • Sikiliza taarifa za habari zilizopita 05h30 - 06h00 TU
    Uchambuzi na makala 08/12 05h30 GMT
  • Sikiliza taarifa za habari zilizopita 15h00 - 16h00 TU
    Uchambuzi na makala 08/12 15h00 GMT
Ili Kufurahia kikamilifu maudhui ya multimedia yetu, unahitaji kuwa na Plugin iliyowekwa kwenye kompyuta yako Ili kuingia, unahitaji kuruhusu cookies zote kwa kuseti vizuri Ili kutembelea mtandao, tovuti ya RFI inaenda sambamba na Internet Explorer 8 na + Firefox 10 na +, Safari 3 na +, Chrome 17 na + nk
E.A.C

Wasiwasi watanda katika kambi za wakimbizi Warundi Tanzania

media Kambi ya Nyarugusu nchini Tanzania (Picha ya kumbukumbu) Reuters

Zoezi la kuwarejesha Burundi wakimbizi wa nchi hiyo walioko kwenye kambi za wakimbizi nchini Tanzania linaendelea, licha ya ukinzani mkubwa kutoka kwa baadhi ya wakimbizi wasiotaka kurejeshwa.

Serikali za Burundi na Tanzania mwezi Agosti, zilikubaliana kuwa wakimbizi zaidi ya 200,000 ambao wamekuwa wakiishi nchini Tanzania wataanza kurudi nyumbani kuanzia tarehe 1 mwezi Oktoba.

Nestor Bimenyimana, Afisa wa juu wa serkali ya Burundi anayehusika na mradi wa kuwarudisha nyumbani wakimbizi, ameliambia Shirika la Habari la Uingereza la Reuters kuwa mpango huo utaanza kutekelezwa baada ya makubaliano ya serikali yake na Tanzania.

Aidha, amesema kuwa kundi la kwanza, litawajumuisha wakimbizi 1,000 ambao Bimenyimana, amesema wanaorudi, na ambao wanafanya hivyo kwa hiari yao.

Hata hivyo duru kutoka kwa baadhi ya wakimbizi zinasema kuwa wakimbizi zaidi ya 900 wametakiwa kujiorodhesha mbele ya mamlaka husika nchini Tanzania.

Wakimbizi wanasema wana wasiwasi kuwa zoezi la kuwarudisha makwao sasa limeanza, na “wana hofu ya kurudishwa Burundi kwa nguvu.

Serikali ya Tanzania imekuwa ikilaumiwa kutaka kuwarejesha makwao wakimbizi kwa nguvu. Wanaharakati wa Haki za Binadamu wanaishtumu Tanzania kufanya mpango wa siri na serikali ya Burundi kwa kuwarejesha kwa nguvu wakimbizi Warundi waishio nchini Tanzania.

Mnamo mwezi Agosti Serikali ya Tanzania iliagiza wakimbizi kutoka nchini Burundi kurudishwa makwao, na kusema kua hali ya kiusalama katika taifa hilo sasa imeimarika.

Waziri wa Mambo ya Ndani wa Tanzania Kangi Lugola alitangaza kuwa wakimbizi 2,000 watarudishwa Burundi kufikia Oktoba mosi.

Tanzania imekuwa inalinyooshea kidole cha lawama shirika la Umoja wa Mataifa linalowahudumia wakimbizi UNHCR kwamba ndio linakataa wakimbizi hao kurudishwa nchini Burundi.

Tanzania inashikilia kuwa sababu iliyoifanya kuwapatia hadhi ya ukimbizi raia hao wa Burundi kwa sasa hazipo na kwamba ina kila sababu ya kuwataka warudi makwao.

Mvutano kati ya shirika hilo la wakimbizi la Umoja wa mataifa na serikali ya Tanzania kuhusu suala la kuwarejesha makwao wakimbizi wa Burundi umekuwa ukiendelea kwa miaka kadhaa sasa.

Mwezi Agosti mwaka mwaka 2017, Serikali ya Tanzania ililipatia shirika la UNHCR siku saba kuanza kuwarudisha wakimbizi wa Burundi ambao wanataka kurudi kwao kwa hiari, ama sivyo serikali ifanye zoezi hilo yenyewe.

Tanzania ndio nchi inayohifadhi wakimbizi wengi zaidi kutoka Burundi kuliko nchi nyingine yoyote ile katika ukanda wa Afrika Mashariki.

Kuhusu mada hiyo hiyo
 
Samahani, mwunganisho na sava umeshindikana